• 2021.05.01
    星期六

【Emily】唐唐:有潮州朋友心理不平衡 潮屬未列「列明團體」 林鄭節目陳情

[2021.05.01] 發表
全國政協常委唐英年(左)出席特首林鄭月娥(右)嘅電視節目,笑言有啲潮州朋友因未成為同鄉社團代表嘅列明團體,「有少許心理不平衡」。(節目截圖)

【明報專訊】選舉法例修改後,選委會將新增60席同鄉社團代表,但成立20年嘅香港潮屬社團總會未列「列明團體」,無代表做選民,一眾潮總領袖早前甚至上書特首陳情。江蘇社團總會會長、全國政協常委唐英年出席特首林鄭月娥主持嘅《選委界別分組面面觀》節目時,就笑言「我有啲潮州朋友少少心理不平衡,話點解潮州冇」。有潮總中人就向Emily講,現時選委會制度咁唔公平,潮屬無代表做選民,「心理不平衡係正常」。

開電視鳳凰衛視央視轉播

林太話自己都有好多潮州朋友,但政府做事有規矩,修例時要有相對客觀標準,只有省、直轄市或自治區嘅同鄉社團先可以躋身「列明團體」,呢個標準係按內地意見,雖然潮州好大,但就不屬上述3類。

林太主持嘅《選委界別分組面面觀》本身喺港台播放,每日兩集、每集播4次。呢個節目不但喺港台LOOP,林鄭噚日話,香港開電視、鳳凰衛視香港台、央視應用程式都主動提出要轉播;開電視節目表就顯示,將會喺晚上11點播出節目。

林太話試過一日直落做咗7場錄影,藝人汪明荃、食物及衛生局前局長高永文前日就喺特首辦同佢喜相逢,話大家仲約好咗6月要睇汪阿姐嘅演唱會。

更多港聞
【明報專訊】南區區議會主席、民主黨羅健熙噚日喺facebook引述行會成員、民建聯張國鈞日前講南區巴士服務要改善、批評南區區議會冇盡力做好監... 詳情
【明報專訊】公民黨再有區議員退黨,沙田區議員黃文萱噚日喺fb表示日前已退出公民黨,亦未有打算喺立法會通過宣誓修例後「完成政府僭建的聲明要求」... 詳情
【明報專訊】建制派謝偉俊近日頻頻喺修改選舉制度嘅立法會法案委員會提問,噚日喺會上就問到,當局預計日後選票尺寸比以往細,所以就喺條例提到唔需要... 詳情
【Emily】鄒家成獄中畫自嘲熊 Gary畫高達渣古
【明報專訊】民主派初選案36人已還押兩月,勝出新東初選嘅鄒家成,日前由獄中寄出畫作。佢畫咗近日年輕人之間非常流行嘅「自嘲熊(jokebear... 詳情

明報網站 · 版權所有 · 不得轉載
Copyright © 2021 mingpaocanada.com All rights reserved.
Ming Pao Daily News A wholly owned subsidiary of Ming Pao Enterprise Corporation Ltd.
Vancouver Chinese Newspaper

5368 Parkwood Place, Richmond B.C. V6V 2N1 | Tel.: (604) 231-8998 | Fax: (604) 231-9881/9884 | Advertising Hotline Tel.: (604) 231-8992