【Emily】公僕子女「海外教育津貼」唔包內地 麗芸話不公：點解逼佢去英國？
[2021.04.20] 發表
【明報專訊】立法會公務員及資助機構員工事務委員會噚日討論有關公務員內地及本地教育津貼，局方建議擴大公務員子女「本地教育津貼」適用範圍至內地中、小學；而「海外教育津貼」無包內地大學。民建聯蔣麗芸會上表明好唔滿意，話計劃所涵蓋、即2000年前入職嘅公務員子女大多準備入大學，佢哋申請海外教育津貼竟然冇得揀內地，現時好多青少年考慮內地學校，唔明點解中小學畀，大學就唔畀。佢批評政府對香港小朋友唔公道，「點解仲要逼佢去英國？」
郭偉強：點解內地中小學納本地津貼
聶德權話香港內地同一個國家
公務員事務局常任秘書長楊何蓓茵嘗試解答，話所有香港學生去內地讀大學，教育局有「內地大學升學資助計劃」，但就被蔣麗芸打斷，「你唔好講全香港先，我𠵱家只講公務員，呢個係公務員及資助機構員工事務委員會」。常秘之後冇聲出。
工聯會郭偉强問到，點解會將內地中小學納入「本地教育津貼」而唔係海外，因為當中可能牽涉機票、住宿費用，花費唔同。聶德權話，考慮到現時無論海外定本地教育津貼，金額都已凍結咗，原因係適用並領取呢種津貼嘅公務員子女愈來愈少；而內地唔屬於海外，係因為香港同內地都係一個國家。
更多港聞
【明報專訊】立法會「研究動物權益相關事宜小組委員會」噚日開會，議題包括修訂《防止殘酷對待動物條例》進展。實政圓桌田北辰多番批評政府執法不力，...
詳情
相關新聞
