【Emily】胡志偉函阿臻謝石牆花 還押中「三高」受控
[2021.02.23] 發表
【明報專訊】目前正還押嘅民主黨前主席胡志偉，喺鼠年最後一日(2月11日)寫信畀關注囚權組織「石牆花」創立人、立法會前議員邵家臻。志偉信中提到，佢喺獄中嘅待遇，都係阿臻同一班爭取囚權朋友努力嘅成果，佢表達由衷謝意。佢提到現時作息規律，加上控制飲食同早睡早起以及藥物協助，「三高」問題似乎已控制喺安全水平，囑咐阿臻都要正視健康，「以便走更遠的路」。
志偉又話，收到好多「石牆花」嘅來信，令佢感到「吾道不孤」，又指面對專權從來都要小心翼翼尋找對策，但總原則係永不放棄，仲以石牆花比喻，話石牆花雖然生長喺貧瘠嘅環境，但只要有強大嘅生命力同堅持信念，必定會有開花結果嘅日子。
話來信令佢覺得「吾道不孤」
阿臻話，聽聞志偉還押期間唔食「私飯」，認為可以同其他囚友一齊捱，佩服志偉做法，並祝願志偉身體健康。佢又話，知道民主黨會統籌探訪志偉嘅工作，佢已經排隊喺3月8日之後探監。
更多港聞
【Emily】食衛常秘容偉雄退休 食環署長劉利群接任
【明報專訊】再有D8級公務員退休。政府噚日宣布，現任食環署長劉利群今日（23日）起接替容偉雄，出任食物及衛生局常任秘書長（食物）一職；容偉雄... 詳情
「復課」首日 教局更新健康指引：師生未遵強檢回校 校方須報執法者
【明報專訊】農曆新年假完結，不少學校昨日起安排三分之一或全校學生回校上半日課。教育局昨亦更新「學校健康指引」，稱如學校發現被界定為「受檢人士... 詳情
相關新聞
