【Emily】推銷免費疫苗保 波哥：身故賠30萬恩恤
[2021.02.12] 發表
【明報專訊】政府將推行新冠病毒疫苗接種，仲話籌備保障基金，為接種後出現嚴重不良反應嘅市民提供經濟支援。保險界立法會議員陳健波就話，佢擔任行政總裁嘅立橋人壽保險噚日推出免費疫苗接種保險，名額20萬人，話如果打疫苗後14日內證實因副作用身故，公司會提供30萬元身故恩恤金。
「死幾十個政府會叫停 賠嘅應唔多」
波哥話，評估過風險，外地打疫苗死亡率唔高，而政府又會評估，安排風險較低嘅市民接種，話如果疫苗真係有問題致死，死幾十個政府都會叫停，所以真係要畀錢嘅個案應該唔會好多，但佢話公司都會預留幾百萬元作賠償準備。
話鼓勵接種 「當然多人認識公司都好」
波哥話，公司諗今次免費保險計劃時，出發點係想鼓勵市民打疫苗，當然如果因而多啲人認識佢哋呢間新公司都係好事。佢話公司老闆都想出力幫手抗疫，早前已捐咗1000萬支持防疫工作。有意參加免費保險者，可於6月底前喺公司網站www.wli.com.hk登記。
澳門政府都開始為居民接種國藥疫苗，佢哋做法係搵保險公司承保，保障額為每人最高100萬澳門元。
更多港聞
【明報專訊】立法會前主席曾鈺成日前接受網媒訪問，話要深入反思點解咁多香港人想離開，結果引嚟工聯會會長吳秋北喺facebook隔空駁火，話有啲...
詳情
【明報專訊】疫情令全球旅遊業冰封，旅發局為推動旅業復蘇，邀請居港外籍人士加入「Hong Kong Super Fans」，邀請旅客喺疫情過後...
詳情
【Emily】500桃花為港祈福 慈山寺初七重開
【明報專訊】位於大埔洞梓嘅慈山寺於辛丑年新春期間，以500株桃花禮供諸佛菩薩，將功德迴向大眾，為香港祈福。長和系資深顧問李嘉誠知道香港人喺疫... 詳情
【Emily】陳帆歲晚探劏房戶 許正宇籲派電子利市
【明報專訊】年近歲晚，民建聯噚日邀請運輸及房屋局長陳帆去土瓜灣與住喺劏房嘅基層家庭交流。陳帆話，知道輪候公屋嘅人好多，生活條件亦非常困苦，政... 詳情
相關新聞
