【Emily】衛生事務委會發言出錯 EQ出聲糾正 郭偉強當「復星/BioNTech」兩種疫苗

近期言行舉止都成為焦點嘅工聯會立法會議員郭偉強（圖），噚日喺立法會衛生事務委員會會議又講錯嘢，誤以為香港最近批准緊急使用嘅「復星醫藥∕BioNTech」新冠疫苗係兩款疫苗。（立法會直播截圖）

【明報專訊】繼誤以為英國報章《衛報》(The Guardian)係世界衛生組織報章後，工聯會立法會議員郭偉強噚日喺立法會衛生事務委員會會議又有話題，佢以為香港批准使用嘅「復星醫藥∕BioNTech」新冠疫苗係兩款疫苗，關注優先群組係咪只可以接種呢兩款疫苗，連委員會主席、民建聯葛珮帆(EQ)都忍唔住即時糾正佢：「復星同BioNTech，照我所知係一隻疫苗。」

「優先群組可等國產貨？」葛：係自願性質㗎嘛

郭偉強問食衛局長陳肇始優先群組係咪只能揀呢兩款疫苗，如果佢哋想等國產嘅科興或國藥嘅滅活疫苗，「又有無權去選擇呢？」葛珮帆忍唔住再出聲，話按佢理解，優先群組如果唔想打某種疫苗，當然係可以等。郭偉強鍥而不捨，追問係咪即係可以等到有滅活疫苗先打，葛珮帆話：「係自願性質㗎嘛。」

唔少議員關注港人幾時可以接種國產疫苗，郭偉強提到國藥同科興剛剛交咗數據畀世衛，問陳肇始負責批准疫苗緊急使用嘅顧問專家委員會使唔使增聘內地專家，去輔助香港專家加快認識國藥同科興疫苗成效同數字。陳肇始就無正面回應呢個建議喇。

更多港聞

【Emily】建制派警總送禮 8人合照 警話無犯聚

【明報專訊】呢排唔同嘅建制派組織、社團輪流去慰問警察，噚日就到香港再出發大聯盟去灣仔警察總部外，向警隊送上新春慰問，仲有埋禮物，包括：十幾箱... 詳情

【Emily】DQ4薪津處理 行管會提和解建議

【明報專訊】立法會前議員郭榮鏗、楊岳橋、郭家麒、梁繼昌，去年11月因人大決定而被DQ，到底會唔會被追薪津呢？立法會行政管理委員會噚日開會，主... 詳情

【Emily】一人內閣麥嘉晉大敗 港大斷「大莊」

【明報專訊】港大學生會周年大選結束，據港大校園電視報道，三度參選、今次以一人內閣「不死傳說」參選常務秘書嘅麥嘉晉，獲得445票支持、2040... 詳情