【Emily】鬧官答問冗長 葉劉倡熄咪
[2021.01.09] 發表
【明報專訊】民主派總辭後，建制派議員喺立法會佔絕大多數，但佢哋對官員表現都有微言。行會成員、新民黨主席葉劉淑儀噚日喺內會話，好多局長回覆立法會口頭質詢時，主體答案非常長，「我諗可能想拖延時間啦」，補充回覆亦係重複、遊花園，質疑想令排隊嘅議員少啲機會發問。
葉太向內會主席李慧琼表示，留意到如果官員講到某個時候，立法會會有鐘聲提醒，但官員好多時都唔理，葉太建議主席梁君彥、或者李慧琼做代主席時，可以提醒官員回答已經夠鐘、要精簡啲，「如果(官員)再係咁拖落去、唔畀我哋問，熄咪囉，熄佢咪等我哋可以問」。在場唔少議員都笑咗出聲。
謝偉俊都有同樣質疑，佢希望立法會主席或代主席可以多啲提示官員，唔好每次都拖到得番一兩個議員可以提問，否則就會破壞口頭質詢嘅原意。
更多港聞
【Emily】馬道立Last Day 職員列隊鼓掌歡送
【明報專訊】終審法院首席法官馬道立即將卸任退休，噚日係佢最後一個上班日。佢喺傍晚離開工作逾10年嘅終審法院，司法機構政務長梁悅賢等喺門口列隊... 詳情
【Emily】馬道立Last Day 職員列隊鼓掌歡送
【明報專訊】終審法院首席法官馬道立即將卸任退休，噚日係佢最後一個上班日。佢喺傍晚離開工作逾10年嘅終審法院，司法機構政務長梁悅賢等喺門口列隊... 詳情相關新聞
