【Emily】中大校評會又延期 改2月紅館舉行

【明報專訊】疫情不但影響立法會開會，中文大學校友評議會(下稱評議會)選舉都要一再改期、改地點，開會日期由明年1月9日延至2月6日，地點就由亞洲國際博覽館改為紅館；會方將會�鰫�年1月中下旬確認會議安排。評議會2020周年會員大會及選舉獲一眾校友空前關注，選舉更被形容係「黑白之爭」，有幾千校友打算親身投票。

由於疫情同報名出席人數眾多，評議會常務委員會早前已經押後選舉日期一次，同決定唔�鬗中j開會，改到亞博館，但因為館內「社區治療設施」重新啟用，常務委員會噚日再通知校友改地點同日期。2020年大會押後至2021年先舉行，原定今年8月31日任期屆滿�鴷D席林偉雄，會繼續做到選出新主席為止，做法儼如「翻版」立法會延任，有校友質疑咁做不符規例。