【Emily】港台編導查冊做新聞 陳建強比喻揸車衝燈
[2020.12.01] 發表
【明報專訊】香港電台近年處於風暴中，早前《鏗鏘集》編導蔡玉玲更因查冊而被檢控。港台顧問委員會前主席陳建強接受民建聯葛珮帆(EQ)訪問，佢質疑廣播處長梁家榮，有冇留意員工拎資料做訪問方式是否正確；對於梁家榮關心事件或致寒蟬效應，陳建強話事件無關新聞自由或編輯自主，只係在於記者點拎資料，「係咪做訪問就可以揸車衝紅燈？」
翻查資料，傳媒工會早已提及，記者查冊作為新聞用途由來已久，但多個部門查冊都冇列明「新聞報道」可以係選項之一，變相令查冊做新聞有法律風險。
投訴港台成立 話成個委員會憤怒
港台早前有節目被通訊局裁定投訴成立，陳建強話，港台啲節目好似一脈相承、成日被警告，質疑梁家榮係疏忽、能力上睇唔到問題、定係故意而為。EQ話市民對港台感憤怒，陳就話成個委員會都憤怒，但喺鏡頭前，因為作為港台一分子，都要保持正面意見，「情緒反應冇意思，要做好件事」。
對於港台《頭條新聞》「驚方訊息」中藝人王喜扮警察喺垃圾桶出現，EQ認為節目唔可以咁樣演出，陳建強就透露當時有考慮法律意見，認為有可能被控誹謗，有提醒梁家榮唔好咁做，「總編要揸緊法律，唔可以犯法」。
更多港聞
【Emily】石禮謙話可憐特首 「好領袖要令人心服口服」
【明報專訊】特首林鄭月娥近日話自己已回復信心，又話唔會以市民喜歡與否作施政宗旨。對於林太言論，經民聯石禮謙噚日表明「我可憐佢」，話若管治要令... 詳情
【明報專訊】新冠病毒疫情嚴峻，全港中小學及幼稚園明起暫停面授課堂及校內活動，直至學校聖誕假期開始；補習學校亦停課兩周。今次停課留有彈性安排，...
詳情
【明報專訊】教育局日前宣布高中通識科改革方向，內地官媒新華社昨發表評論文章，稱高中通識科成為反中亂港分子對學生「洗腦」的渠道，該科異化到令人...
詳情
相關新聞
