【Emily】等咗近廿年 大埔明年底有戲院喇
[2020.10.16] 發表
【明報專訊】大埔居民有好消息，區內嘅大埔超級城預計喺下年底有戲院開業，估計會有4個影院，到時戲迷就唔使去到粉嶺、沙田先有戲睇喇。新民主同盟大埔區議員任啟邦噚日同Emily講，大埔區將近20年冇戲院，屬18區內嘅少數；而新一間戲院起咗超過10年，當中遇上補地價、被學校投訴等阻滯，居民等到「頸都長」。
任啟邦話，戲院喺興建之初接到附近學校反對，話驚戲院會掛出三級片等兒童不宜嘅宣傳海報，不過佢認為呢個擔心唔太合理，因𠵱家戲院嘅宣傳大部分都好正常、整潔。任啟邦話，戲院選址以前係停車場同酒樓，建築過程曾遇上技術問題；又形容大埔區係「文化沙漠」，相信有戲院會方便到居民生活，同時刺激周邊嘅經濟消費。
更多港聞
【明報專訊】港大學生會將與團體「物敍」在港大合辦展覽，展出反修例運動相關物品。港大學生會外務副會長鄭凱盈說，展覽由學生會聯絡「物敍」舉辦，冀...
詳情
相關新聞
