• 2020.10.06
    星期二

【Emily】準備轉型 近期申報任大灣區顧問 劉國勳:因延任推走唔少工作

[2020.10.06] 發表
決定不延任立法會議員一年嘅人民力量陳志全,噚日喺facebook上載照片,顯示佢喺立法會辦事處樓層嘅名牌已被拆去。

【明報專訊】立法會選舉延期一年,唔少本身唔再尋求連任嘅議員,計劃都被打亂。Emily翻查立法會議員個人利益登記冊,發現原本無再參選嘅民建聯劉國勳(圓圖),上月初先後申報擔任「創壹顧問有限公司董事」、「中國路橋(香港)有限公司大灣區事務顧問」。

劉國勳同Emily講,本身都有準備轉型,自言對公共事務、交通、城市土地規劃議題較熟悉,希望做一啲公共事務及顧問工作,加上大灣區都係好大嘅市場。面對立法會延任一年,佢話本身唔少大企業都搵佢工作,但因為延任而推咗好多,只係做一啲時間上可以兼顧嘅工作,又強調即使轉型,佢都會繼續兼顧政策研究。

水牌被除 慢必:新一頁新工作

民建聯蔣麗芸早前亦決定唔競逐連任,佢上月底就申報咗「新世代培育基金有限公司董事」職務,話係非受薪,公司性質係非牟利機構。

至於決定唔接受延任嘅人民力量陳志全(慢必),噚日就喺facebook出post,影低佢喺立法會辦事處樓層外嘅名牌已被除去,自言「揭開新的一頁,投入新的工作」,叫香港人加油。睇番立法會網頁「議員履歷」部分,已經再冇顯示慢必、朱凱廸、公民黨陳淑莊3人嘅履歷同通訊資料喇。

更多港聞
【Emily】揸國旗玩滑翔傘 EQ「愛的迫降」賀國慶
【明報專訊】疫情持續及限聚令下,建制派喺剛過去嘅國慶假期未有大事慶祝,民建聯立法會議員葛珮帆(EQ)噚日就喺facebook上載「葛珮帆@石... 詳情
【Emily】譚凱邦質疑國慶違規橫額民處「有份」
【明報專訊】十一已過,街上仍有唔少慶祝國慶嘅橫額同旗幡。荃灣區議員譚凱邦噚日質疑,荃灣市中心有30塊違規橫額,其中12塊有「荃灣民政事務處」... 詳情
【Emily】與政府商健康碼合作 華昇胡定旭:未傾到收費細節
【明報專訊】政務司長張建宗日前話,政府積極同內地及澳門商討用「健康碼」互相豁免14日強制檢疫。要申請到「健康碼」,其中一步就係要做病毒檢測,... 詳情
【明報專訊】自從第三波疫情爆發,懲教署由7月底開始暫停所有議員公務探訪。一直關注囚友權利嘅社福界立法會議員邵家臻噚日喺facebook出文,... 詳情
中史課本新指引:避古今類比  教師:學史就是借古鑑今 不解為何不可
【明報專訊】教育局更新多科《印刷課本編纂指引》,初中中史列明「避免包含太多涉及評論的問題」。至於高中中史科,本報發現修訂後指引增設課本活動應... 詳情

明報網站 · 版權所有 · 不得轉載
Copyright © 2019 mingpaocanada.com All rights reserved.
Ming Pao Daily News A wholly owned subsidiary of Ming Pao Enterprise Corporation Ltd.
Vancouver Chinese Newspaper

5368 Parkwood Place, Richmond B.C. V6V 2N1 | Tel.: (604) 231-8998 | Fax: (604) 231-9881/9884 | Advertising Hotline Tel.: (604) 231-8992