【Emily】隔開坐防疫 中西區議員變打對面食口水

為咗防疫，中西區區議會噚日開會時要求議員隔3個位坐，民政處職員喺唔坐得嘅位貼交叉。但因為唔夠位，議員要坐埋內圈，搞到部分人打對面坐，都係冇相隔到1.5米。（李紹昌攝）

【明報專訊】疫情下區議會繼續開會，各區嘅民政事務專員各出奇招防疫。繼之前元朗區議會用膠紙封起啲櫈，要議員坐上旁廳席後，中西區區議會噚日開大會時，議員被要求隔3個位坐，聽落冇咩問題，但因為隔3個位會唔夠坐，有部分議員被安排坐入內圈，變相同其他議員打對面，有議員話變成要食對面議員口水，覺得做法冇科學根據。

本身係註冊護士嘅中西區區議員任嘉兒就被安排坐喺內圈，佢批評民政處安排無科學根據，調位後同其他議員相隔又唔夠1.5米，仲要食到對面議員口水。

秘書解釋係民政事務處建議議員坐遠啲，而由於會議安排急，買唔切透明膠板隔開，所以喺主席鄭麗琼同意下做咗咁嘅安排。鄭麗琼話係同意議員隔1.5米坐嘅安排，但如果令到坐喺內圈嘅議員要食對方口水，令疫症傳播嘅話，就建議大家坐番出嚟，保持一定距離就可以。

更多港聞

【Emily】林鄭個仔：如果我唔畀你選特首，你就唔要經過咁痛苦階段

【明報專訊】特首林鄭月娥日前喺禮賓府接受鳳凰衛視《問答神州》訪問，早前傳真社報道，喺美國留學嘅林鄭月娥幼子林約希「家有急事」回港。被問美國制... 詳情

【Emily】高永文有興趣幫聶德權採樣

【明報專訊】全民檢測聽日起網上預約，負責統籌嘅公務員事務局長聶德權噚日接受立法會議員陳凱欣訪問，其間食衛局前局長高永文「亂入」，話有報名協助... 詳情

【Emily】青民搞眼睛去旅行投票

【明報專訊】疫情下全球好多地方實施出入境限制，呢段時間都難以出行。青年民建聯就搞搞新意思，準備帶大家「眼睛去旅行」，喺facebook叫人投... 詳情