【Emily】「民調預設立場」 郭偉強諷白鴿呃同情

【明報專訊】民主黨立法會議員噚日開記者會，話會依據全港抽樣嘅民調決定留唔留任至少延長一年嘅立法會任期，佢哋尚未公布民研機構、提問方式等。工聯會郭偉強睇港台直播民主黨記招後，喺facebook發表見解，認為「有預設立場的民調，找什麼機構也有了答案」；又覺得結果已經喺手中，質疑「何不直接宣布？又嚟開記招呃鏡頭，呃like，呃同情」，批評民主黨「今時唔同往日，黨格盡失」。

民主派有人拋出做民調或「公投」決定去留。郭偉強噚日話，「初選結果心知肚明，本土獨大，傳統攬炒派(指傳統泛民)包艇尾位，所以一定唔搞投票」，否則傳統「攬炒」一定被全部無得留低，「兩陣鬥到出晒面」。

民主派公開一直話想「齊上齊落」，郭偉強分析「心水清」嘅一定識睇，民主黨「單獨」殺出嚟，而唔係再搞多次初選規模嘅意向收集，就知已經割咗席咁話。