【Emily】延任掀爭議 郭家麒憶合照唏噓 鄒家成：泛民無資格話人分化
[2020.08.20] 發表
【明報專訊】近日議員應否延任嘅爭議不斷，公民黨議員郭家麒噚日喺facebook上載民主派議員喺上月立法會最後一晚影嘅大合照，話感到「有點兒唏噓」，「部份民主派同事作出比較重嘅意見表達，令社會感覺到民主派互相攻擊」，佢希望香港人唔好被分化。郭家麒發文話，相信唔少議員會因為離開議會而感到如釋重負，反問有幾多人會留戀呢個議會。佢話有唔少有心人不斷攻擊表達決定留任嘅議員，佢認為放棄議會只會令惡法任意通過，又指「我們嘅敵人係強權暴政」。
不過，民主派初選出線者鄒家成噚日喺fb話，泛民主派絕無任何資格指摘人分化，指曾有泛民議員惡言相向話「我係唔會同佢哋(抗爭派)傾」。
鄒：有議員話唔同抗爭派傾
鄒家成透露，早前首次同泛民議員就「臨立會」一事會面，最終只有3個議員出席，佢話會後有議員對主張雙方溝通嘅政治人物話「你要傾你自己傾」等，又認為抗爭派綁架泛民議員，意圖將初選勝出者拒諸門外。鄒家成話，抗爭派早已盡最大誠意向泛民議員釋出善意，主動建立溝通平台，卻受到如斯對待。
更多港聞
【明報專訊】疫情下唔少食肆告急，位於沙田區嘅「黃店」富東閣海鮮酒家推出168蚊一隻「一食片皮鴨」優惠吸客，吸引唔少區外客預訂撐黃店。元朗區議...
詳情
【Emily】葉劉參觀組合屋 諗起同細佬瞓碌架牀
【明報專訊】新民黨主席葉劉淑儀同黨友李梓敬上星期應社聯邀請，參觀位於深水埗嘅組合屋，參觀時見到碌架牀，就令佢憶起細個同細佬都係瞓碌架牀。佢喺... 詳情
【Emily】大澳視察水浸 陳恒鑌搵唔到水鞋著 袁嘉蔚同事救番濕水雀
【明報專訊】颱風海高斯襲港，迎來9號風球，唔少議員亦落區視察。民建聯陳恒鑌（Ben）喺8號風球下，噚日朝早到打風水浸黑點大澳視察，佢話水位大... 詳情相關新聞
