【Emily】反映回收店霸地 仇栩欣再惹質疑
[2020.05.26] 發表
【明報專訊】東區區議員仇栩欣早前因為區內假日有外傭聚集快遞公司外，話通知警方定期檢控，引來網民批評佢報警拉外傭，佢解畫後都平息咗風波；噚日仇栩欣出post話區內有五金回收店霸佔迴旋處問題，早前約見運輸署，運輸署承諾會加強巡查。但再引起網民質疑，話應該同回收舖傾吓，今次仇栩欣就話，一直有勸喻回收店，強調運輸署無執法權、唔會開罰單，只係純粹勸喻。
網民籲先溝通 仇：運署僅會勸喻
仇栩欣噚日出帖，話早前約見運輸署反映區內五金舖霸佔迴旋處問題。佢話，回收店打鐵時遺下鐵釘及金屬殘骸，影響行車安全，亦經常於朝早7點打鐵製造巨響，影響居民作息，佢話運輸署承諾加強巡查，佢亦會勸喻該店顧己及人，唔好影響附近街坊。
有網民留言講解回收業難處，包括指回收店機器唔係最先進，亦唔夠資金設置隔音措施，認為區議員應該顧及區內唔同持份者嘅需要同矛盾衝突，好過只側重選民利益，建議同回收店傾吓偈先。
仇栩欣解釋，一直有溝通、勸喻，強調運輸署無執法權，唔會開罰單，只係勸喻保障道路使用者安全。佢話區內需要回收店，盡量搵一個平衡居民生活同舖頭搵食嘅折衷方法。
更多港聞
【Emily】否認限聚有政治考慮 林鄭：將派「一次性口罩」
【明報專訊】特首林鄭月娥噚日（25日）喺網頁撰文話，坊間有意見認為政府對限聚令嘅決定有政治考慮，係毫無事實根據嘅指控，話喺情况許可下，政府會... 詳情
【Emily】美芬訪90歲婆婆 問「利多於弊」
【明報專訊】DSE歷史科考試中有試題問及考生是否同意「1900-45年間，日本為中國帶來的利多於弊」，被建制陣營、教育團體等批評，考評局更宣... 詳情
【Emily】鄧炳強語錄橫額 區議員掛警宿舍外
【明報專訊】區議員為咗令街坊留意橫額內容，都別出心裁設計，Emily近日喺網上見到，觀塘區議員蘇冠聰喺區內對住秀茂坪紀律部隊宿舍位置懸掛橫額... 詳情
DQ試題38%答利多於弊 考局：有考生被引導 葉建源：數據證大部分無
【明報專訊】中學文憑試歷史科試題問及「1900-45年間，日本為中國帶來的利多於弊」，掀起軒然大波，考評局上周宣布取消該試題。考評局秘書長蘇... 詳情
內地歷史教師來港「指導教學」 葉建源：政治味濃
【明報專訊】文憑試歷史科試題引爭議後，全國人大常委譚耀宗日前稱，盼中央在港設機構或派內地優秀歷史教師來港交流教學，助香港學生學好歷史。近日內... 詳情相關新聞
