【Emily】支聯推學運短片 人哥翻睇眼紅紅

【明報專訊】六四事件踏入31周年，支聯會推出一系列短片回溯八九學運。噚日首集訪問支聯會主席李卓人，名為《六四之眼》，由人哥憶述當年上京經過以至回望香港嘅社運，人哥重睇當年片段仍然會眼紅紅。

人哥喺片中憶述，當年佢自告奮勇將「民主歌聲獻中華」籌得款項拎上北京，上京後見到工人都希望保護學生；直至6月4日凌晨，人哥本身住喺工人帳篷，軍隊入城後，工人都出去幫忙抵擋，佢其後望住廣場熄燈、死傷者運過飯店，醫院眼前堆滿屍體，「屠城擺在面前」。

人哥又憶述當年被公安扣留，嗰幾日好恐懼，對方不斷教訓佢、形容六四係「反革命動亂」。佢其後喺港人朋友勸喻下簽咗悔過書，加上估計中英政府唔希望變成外交事件，所以返到香港，「返嚟最大影響係，中國民主運動成為我一生承擔」。

明白年輕人感受不同

對於香港年輕人，人哥話明白兩代人感受不同，佢哋一代係苦難中國，人民被打壓人權、經濟被剝削，所以希望中國有改變；新一代見到嘅係財大氣粗、專制、打壓民主、剝奪港人普選權嘅中國，「會話唔係我哋國家，我明嘅」。但佢反問，中共打壓中國人嘅自由，兩地人民有同一敵人，點解唔可以一齊弱化專制政權。

更多港聞

【Emily】話睇報道先知手震 聶德權：問過醫生身體健康

【明報專訊】公務員事務局長聶德權轉職後首次見記者時，被發現雙手抖震，大家都好關心佢嘅健康；佢噚日出席立法會公務員及資助機構員工事務委員會會議... 詳情

【Emily】明報潘樂陶偵查報道 奪恒大商業新聞銀獎

【明報專訊】由香港恒生大學舉辦嘅第四屆「恒大商業新聞獎」，大會話今年收到超過500份參賽作品，反應十分熱烈，但因應新冠病毒疫情，今年改為網上... 詳情

【Emily】許正宇見財經Panel正副主席

【明報專訊】政府上月底換咗5個局長，唔少議員都同Emily講，新局長都有同佢哋打招呼，其中財經事務及庫務局長許正宇近日亦同議員見面，本身屬民... 詳情

【Emily】接袁莎妮 梁兆基總商會履新

【明報專訊】香港總商會噚日正式宣布，聘請前為匯豐銀行副主席兼行政總裁顧問嘅梁兆基（圖），出任總商會總裁，5月1日生效，接替3月底離任嘅袁莎妮... 詳情

題目直白 中文閱讀卷死亡不再 教師：兼顧不同能力 毋須「揣摩」答案

【明報專訊】中學文憑試（DSE）中文科昨日開考，逾4.7萬人應考。卷一閱讀能力有兩篇閱讀篇章，包括台灣作家利格拉樂?阿烏所著、抒發對父母感情... 詳情