【Emily】泛民爭取35+ 唐唐又話為攬炒
[2020.05.04] 發表
【明報專訊】近日建制陣營不時鬧泛民搞「攬炒」，民建聯主席李慧琼近日喺facebook上載訪問全國政協常委唐英年嘅短片，唐唐呼籲「攬炒派唔好再攬炒」，認為咁樣只會累咗自己同街坊，呼籲佢哋同攬炒割席。
唐唐話泛民現時目標係要爭取議會過半，令佢哋有權攬炒，但咁會令全港市民受害，政府停擺會令所有公共服務消失。佢不點名話，大律師公會主席都係好「黃」、泛民人士，但都要求政府早啲出糧，認為典型港人都係務實，「講政治講得出神入化」，但殺到埋身時就會理性。唔知唐唐係咪講緊大律師公會主席戴啟思早前致函律政司同法援署，要求盡快支付外聘大狀同埋為法援署代表被告打官司嘅費用。
唐唐又話，香港喺創新科技、文化藝術上可以做得更好，甚至將文化藝術變成產業。佢形容年輕人未必想做下一個馬雲、馬化騰甚至李嘉誠，但想做有興趣、令佢哋開心嘅工作，文化藝術就可以提供到。
訪問中，唐唐反問李慧琼對該黨喺政府內嘅官員有咩期望，李慧琼話現時政府吸納民意渠道不足，不同溫層甚至年輕人聲音易被忽略，佢期望官員要更貼地，親自同市民、業界傾；亦要肯作為去解決問題。
更多港聞
【Emily】facebook發帖報平安 青光眼手術出血 岑智明大步檻過
【明報專訊】天文台前台長岑智明2月退休，原本會到日內瓦出任世界氣象組織服務司司長，但因為要做青光眼手術未能就任。佢噚日就喺facebook發... 詳情
【Emily】副處長創作 建造業群星獻唱抗疫歌
【明報專訊】政府同建造業界一眾重量級人馬，包括發展局長黃偉綸、建造業議會主席陳家駒、土木工程拓展署長劉俊傑等，日前聯同10個專業團體同商會，... 詳情
【Emily】霍啟剛阿爺霍英東 最關心孫仔游水未
【明報專訊】港協暨奧委會副會長霍啟剛接受體院主席林大輝嘅節目《大輝主場》訪問時話，家族喺體育嘅淵源，離唔開爺爺霍英東對體育嘅熱愛，佢透露當年... 詳情
4月成立活動受阻 未礙助被裁同工發聲 疫下街站停 幼教新工會腳步不停
【明報專訊】反修例風波危中有機，闢出一條新工會戰線，兩批教師分別成立教育工會，注入年輕教師聲音。香港幼兒教育工會源於去年「三罷」，有幼稚園教... 詳情
相關新聞
