【Emily】5月底兩會 田北辰倡上京前檢疫 梁志祥：若無豁免 好多人去唔到
[2020.04.30] 發表
【明報專訊】全國人大政協兩會5月底喺北京舉行，有身兼立法會議員嘅政協就同Emily話，擔心唔知到時有無得豁免強制檢疫，否則或返唔到立法會開會。有人代就建議大家喺上京、返港前先做病毒檢測，呈陰性先可上京同返港，以免畀人感覺人代、政協有特權豁免強制檢疫。
過往兩會期間，立法會亦會休會兩星期。Emily聽聞，今次兩會延後舉行，立法會就無意讓路而休會。內地抵港者強制檢疫安排延長至6月7日，Emily問過政府人代政協上京開會有否豁免，政府發言人回覆話，政府會因應疫情及個別類別人士嘅需要，按法例處理有關豁免遵守強制檢疫令事宜。
「怕強制檢疫返唔到立會」
民建聯議員、全國政協委員梁志祥話，未知道北京嘅檢疫安排，亦未知可否以公務理由申請豁免檢疫。祥哥話，如果無豁免，估計好多身兼立法會議員嘅人代、政協都去唔到北京；如返港時要強制檢疫，就開唔到立法會會議。
實政圓桌議員、港區人代田北辰就建議，人代政協去北京前3日內先喺香港做病毒檢測，呈陰性先可以赴京；返港前3日再做檢測，呈陰性先可回港。
更多港聞
【明報專訊】民主派立法會選舉嘅協調工作如火如荼，前晚就舉行「超級區議會」界別嘅協調會議，據了解，會上至少有7個政團或有興趣人士出席會議。會議...
詳情
【明報專訊】立法會噚日就《財政預算案》二讀，民主派狠批預算案中警方開支大增，保安局長李家超噚日就預算案發言時借題發揮，鬧泛民提出削減警隊開支...
詳情
【Emily】獲贈生日蛋糕 肥老闆話要餵林健鋒
【明報專訊】經民聯立法會議員張華峰（左二）周六就係68歲生日，一班黨友噚日提早同佢慶生。疫情下，肥老闆維持大好友本色，講笑話今年願望係恒指重... 詳情相關新聞
