【Emily】聖保羅男女校友會改選 「黃營」落選

聖保羅男女中學校友會噚日喺洲際酒店舉行周年校友會，約有數十人出席大會，現場有保安看守，全部人戴上口罩，有校友話場內座位之間有6呎距離。（馮凱鍵攝）

【明報專訊】政府呼籲減少社交聚會，聖保羅男女中學校友會喺部分校友反對聲下，噚日如期喺洲際酒店舉行周年會員大會及執委會選舉。今年比較矚目嘅有被指係「黃營」嘅5名校友參選，挑戰現屆6名執委。雖未正式公布結果，但據知「黃營」全落選。

部分校友反對下開大會

校友會以會員大會符合「限聚令」嘅豁免條件為由，維持噚日嘅大會，就改選執委會28席中嘅6席投票。今年罕有出現競爭，「CoVision16」召集人、建築師關兆倫在內嘅5名校友參選，挑戰競逐連任嘅廣東省政協委員暨中總會董梁香盈等6名執委。據知會員大會投票後即場點票，6名現任執委各得逾千票，5名新參選校友分別獲200幾票，全數落選。

會員大會下晝5點開始，Emily見到約有數十人現身洲際酒店參加會員大會同投票，無嚟現場嘅可授權他人代投。校友羅先生話，都擔心會成為「AGM群組」(感染新冠病毒)，話校友會應為公眾健康着想。另一校友就因遲到幾分鐘錯過投票，佢話今年執委會改選難得有競爭，去年執委突然宣布會員大會延期，疫情下又堅持要召開大會，難免令人認為係別有用心。

更多港聞

【Emily】浸大錄歌為司機打氣

【明報專訊】疫情下唔少工種仍需如常上班。浸大有同學錄製咗一首名為《馬路的事》嘅歌，希望向一群不分晝夜、不分遠近接載乘客嘅司機致敬。 首... 詳情

【Emily】陸志聰唔知「愛呔」藏粗口

【明報專訊】港島東醫院聯網總監陸志聰噚日同大家介紹醫院新開嘅二線隔離病房。有眼利行家發現陸醫生戴住條心心花紋呔（圖），組成心心圖案嘅線條原來... 詳情

【Emily】政府問陰謀論意見 區議員批「條問題好有問題」

【明報專訊】觀塘區議員李嘉達最近收到民政事務處來電，處方幫政府收集議員對政府防疫工作意見。不過，李嘉達話其中一條問題「好有問題」：「有陰謀論... 詳情

【Emily】嘉賓觀眾聯署撐港台 包括前政助

【明報專訊】學者沈旭暉、勞福局前政治助理莫宜端等一群港台節目嘉賓、觀眾、聽眾去信廣播處長梁家榮，回應近日攻擊港台言論，聯署信批評某啲團體對港... 詳情

【Emily】老友個仔染疫 劉業強察檢疫漏洞

【明報專訊】行政會議成員、新民黨主席葉劉淑儀上月中突然因「私事」去珠海一趟，返港後要強制隔離檢疫14日，其隔離令今日結束，可自由活動。原來有... 詳情