【Emily】工聯10人記招 話屬「工作」無違規

「全港社區抗疫連線」噚日為贈送兒童口罩搞啟動禮，但因疫情關係改為網上播放，由總召集人陳振彬一人上陣，講解計劃詳情。（全港社區抗疫連線提供）

工聯會鄧家彪（中）聯同黨友曾勁聰（左）同簡兆祺（右）開記者會，講去年區議會「選舉不公平」現象，要求選管會同選舉事務處解決問題。3人都喺去年區議會選舉落敗。（鄧家彪facebook）

【明報專訊】禁止多過4人喺公眾地方群組聚集嘅規例噚日生效，新例下，工聯會噚日繼續開記者會講去年區議會選舉嘅問題。連同記者同工聯會成員在內，現場大約有10人，超過咗4人嘅規例。被問到記者會係咪可豁免，工聯會鄧家彪認為，記者會係「工作」，相信可獲豁免，仲話有為大家提供口罩。佢強調，好快就係立法會選舉，認為要盡快處理「選舉不公」嘅問題。

鄧家彪噚日同兩名黨友一齊開記招，呼籲選管會關注「區選暴力同不公」嘅現象。工聯會喺3月做網上問卷調查，收回684份，話96.3%受訪者認為社會暴力嚴重，會嚇怕建制派支持者投票或者做義工。鄧聲稱，區議會投票結束後，有好多黑衣人包圍票站，令票站主任同職員有好大壓力，呼籲選管會要解決上述問題，確保將來嘅選舉可以公正舉行。

另外，建制派發起嘅「全港社區抗疫連線」派兒童口罩，噚日就將啟動禮改為網上舉行，連線總召集人、港區人大代表陳振彬同Emily講，啟動禮喺12項豁免類別之內，但都改為網上舉辦，上載由佢一人講解計劃詳情嘅短片。陳振彬話深圳市政府送咗50萬個兒童口罩畀連線，但有成10萬人登記(一人派10個)，嚟緊都要再撲多50萬口罩。

更多港聞

時事懶人包：電動滑板車 應合法化？

【明報專訊】「電動可移動工具」如電動滑板車、電動單車雖然便利市民出行，但鹵莽使用會危及用家、汽車司機及行人的安全。2018年香港「電動可移動... 詳情

時事點對點：申訴署揭29閒置橋 最長荒廢39年

【明報專訊】新聞撮要 申訴專員公署在2020年3月發布主動調查報告，發現全港13條位於不同地區的幹路或道路上，共有29處閒置行車天橋和... 詳情

時事點對點：內地嚴控 網絡綜藝節目

【明報專訊】新聞撮要 中國網絡視聽節目服務協會2020年2月21日稱按國家廣播電視總局工作部署，聯合央視網、芒果TV、騰訊視頻等視聽節... 詳情

Data解密：數碼學習

【明報專訊】．相關議題：教學模式對學生的影響 新型冠狀病毒疫情肆虐，本港學校於2020年初起停課，故大部分課堂需由校內授課轉為網上教學... 詳情

概念解碼：抗生素耐藥性

【明報專訊】抗生素能治療細菌感染，同時殺死正常細菌，抗生素耐藥性（Antibiotic resistance）是自然產生的，但人類濫用抗生素... 詳情