【Emily】陳健民周六出獄 想食雲吞麵

陳健民（左一）因為2014年嘅佔領運動，被判串謀公眾妨擾同煽惑他人犯公眾妨擾罪成，監禁16個月，本周六出獄，邵家臻引述佢話出獄後最想食碗雲吞麵。（資料圖片）

【明報專訊】佔中發起人之一陳健民(KM)本周六(14號)刑滿出獄，社福界立法會議員邵家臻噚日去壁屋監獄探KM ，引述KM叫大家唔使去「接放學」，因為疫情之下應該盡量減少人群聚集，又話佢出獄後最想食碗雲吞麵。

難忘教7囚友英文 悄悄過61歲生日

阿臻同Emily講，KM「無肥到無瘦到」，仲啱啱剪完頭髮，精神爽利。阿臻話，KM周六出獄後，會喺監獄門外簡單同大家講幾句，之後就會返屋企同家人共聚。KM一直都喺獄中教囚友英文，已經完成咗「最後一堂」英語堂，前前後後教過7個囚友，引述KM話佢哋「由he she it都唔識，到學到簡單生活會話，經驗好深刻」。

原來KM啱啱喺獄中度過咗61歲生日，但監獄內無人知，KM喺生日當日依舊當值清潔丶搬水丶倒垃圾，十分自在，亦哼起《阿信的故事》主題曲。KM亦特別感謝支持者寄畀佢嘅書信，有支持者提及自己當年喺佔領運動中仍然冷漠，但如今喺反送中運動中，體會到爭取普選嘅重要。對於支持者呢種醒覺，KM覺得「吾道不孤」。

受到疫情影響，原定上月底嘅佔中九人案上訴延遲咗，KM話唔覺得可惜，𠵱家服刑完畢，「如釋重負，很是自在」。KM因為2014年嘅佔領運動，被判串謀公眾妨擾，同煽惑他人犯公眾妨擾罪成，判囚16個月，佢無申請保釋，因此坐足326日監。

更多港聞

【Emily】區軒料去東京讀博士

【明報專訊】立法會前議員區諾軒（區軒）早前因為選舉呈請案件失去議席，短期內亦無意再戰立法會，佢噚日出post透露，如無意外未來會喺東京大學公... 詳情

【Emily】批區議員李文浩3宗罪 民記研法律行動

【明報專訊】深水埗區議員李文浩同劉家衡合用嘅辦事處門外張貼「藍絲與狗不得內進」告示，惹來好大爭議，繼連日來都有反對者到辦事處抗議後，民建聯亦... 詳情

【Emily】抗疫措施 工聯會最肉緊失業支援

【明報專訊】新冠肺炎疫情未完，政府先後推出抗疫基金等措施，但工聯會仍認為有「補漏」空間，噚日向政務司長張建宗反映意見。工聯會行政會議成員黃國... 詳情

【Emily】全球智庫榜 團結基金131升至112位

【明報專訊】美國賓夕法尼亞大學今年1月發表《全球智庫報告2019》，團結香港基金喺「全球最佳智庫（美國及美國以外）」榜中，位列第112名，比... 詳情

【Emily】慢必收陰司紙夾艷女照

【明報專訊】立法會議員不時都會收到不知名人物寄陰司紙等去辦事處，以示不滿，最近有人寄陰司紙同溪錢畀人民力量立法會議員陳志全（慢必），當中仲夾... 詳情