【Emily】民主黨續推暑期實習計劃
[2020.03.09] 發表
【明報專訊】民主黨今年繼續搞暑假實習計劃，會喺6月到7月底舉行。有民主黨中人話雖然計劃會喺立法會選舉期開始前完結，但「表現正常」嘅同學多會獲聘做兼職，可以參與選舉助選工作。
表現正常會獲聘做兼職
參與選舉助選工作
參加實習計劃嘅「小乳鴿」可以參加政策研究、地區工作、幫手處理居民個案，去該黨立法會議員秘書處實習，同旁聽議會各類會議或約見官員時列席學習等。該黨亦會舉行模擬立法會活動，等小乳鴿一嘗做議員嘅感覺。
有民主黨中人話，基於選舉開支問題同勞工條例嘅限制，實習計劃會喺選舉開始前完結。不過，「表現正常」嘅同學大多會獲聘做兼職，參與選舉助選工作。
該黨區議員冼卓嵐話，佢其中一個助理就係昔日嘅實習生，仲話今年立法會選舉係一個好好嘅經驗。
更多港聞
【明報專訊】政務司長張建宗噚日喺網誌話，唔少現職或已退休公務員響應呼籲，自願參與政府抗疫工作。佢話上星期到訪政府資訊科技總監辦公室（資科辦）...
詳情
相關新聞
