袁莎妮：下一站全職老婆
【Emily】「答應交人要兌現」 月底離開總商會
[2020.03.06] 發表
【明報專訊】香港電視主席王維基太太、總商會行政總裁袁莎妮(Shirley)本月底將離開做足8年嘅崗位，佢喺facebook分享商會刊物同佢做嘅離任專訪，話「下一站全職老婆」、「答應交人要兌現」。不過，佢喺專訪中似乎埋下玄機，被問到未來有咩計劃，佢話做咗20年政府政務工作同8年總商會總裁，認為自己已略懂「商業、政策和政治」嘅處理技巧，無論未來點樣發展，佢都一定會繼續服務香港。
Shirley喺專訪中談政治，話𠵱家嘅香港同反修例風波前已經唔一樣，但變得更好抑或更壞仍有待分曉；睇住呢場「人為風暴」不斷失控升級，令佢極之難過，甚至近乎絕望。
至於有咩方法走出困局，佢認為社會不滿反映香港深層次問題，不限於經濟同民生，仲涉及管治同埋對一國兩制嘅信心。佢話或者逐漸就2047年應該出現嘅情况，展開廣泛同有根據嘅討論，係化解當前矛盾同釋除市民疑慮嘅方法。
「人為風暴」不斷升級 近乎絕望
Shirley提到，正如政治動盪將香港分化一樣，總商會內同樣有好多唔同意見。佢強調總商會一直竭力保持政治中立，秉持道德智慧，又話要處理根深柢固嘅立場同兩極化將成新常態，未來只會更加難行。不過佢深信，總商會能憑藉獨特地位，喺解決各方互不信任同修補社會撕裂方面發揮作用。
更多港聞
【Emily】停播港台節目 無綫節目表驚現《忍者亂太郎》
【明報專訊】通訊事務管理局前日宣布，無綫翡翠台同ViuTV可以唔使再播香港電台節目。Emily噚日中午睇無綫網上節目表，見到傍晚6點會照播《... 詳情
【Emily】「喂，我係特首呀」 林鄭工聯做接線生
【明報專訊】特首林鄭月娥噚日到訪工聯會「寄藥行動熱線中心」，了解該會寄藥行動運作情况。林太仲幫手聽咗幾個求助電話，並以「我係特首呀」做開場白... 詳情
【Emily】新世界夠細心 綁帶口罩捐少數族裔
【明報專訊】好多香港市民都撲緊一般掛耳式口罩，但好多少數族裔因為衣著服飾嘅原因，要用綁帶式口罩。新世界發展日前特別向香港族裔共融聯會捐出一批... 詳情
相關新聞
