【Emily】商台May姐獲委加入法改會
[2020.02.29] 發表
【明報專訊】特首噚日新委任3名法律改革委員會新成員，除咗兩個法律界人士，仲搵嚟資深新聞工作者、商台時事節目主持陳淑薇(May姐)，話可以加強法改會同社會嘅聯繫。
May姐做過商台新聞及公共事務總監，𠵱家亦係新聞教育基金執行委員會主席，喺新聞業界相當資深，其中最為大家熟悉嘅，相信係每個禮拜六同禮拜日喺商台主持《政經星期六》同《政好星期天》，成日都邀請高官上去訪問。搵嚟May姐加入，法改會新聞稿話希望佢豐富嘅新聞工作經驗，可以幫到法改會加強同社會嘅聯繫。
城大中大法律學院院長同獲委
其餘兩個新成員，分別係城大法律學院院長陳清漢，同中大法律學院院長鄔楓。3人任期由3月開始，為期3年，分別接替卸任嘅社聯前行政總裁方敏生、中大法律學院前院長Christopher Gane，同埋城大法律學院副院長林峰。
更多港聞
相關新聞
