【Emily】無法阻病毒 豬嘴今次幫唔到手

[2020.02.03] 發表

【明報專訊】巿面一罩難求，買唔到口罩或者用晒口罩嘅市民扭盡六壬自保。有市民乾脆戴本來用嚟防禦催淚煙嘅「豬嘴」出街(圖)，有醫生就話戴「豬嘴」係無用、防唔到病毒。

公民黨立法會議員郭家麒醫生同Emily解釋，病毒係依附喺飛沫等分泌物上，外科口罩可以阻隔飛沫同病毒，但「豬嘴」主要係透過活性碳過濾空氣同氣體，同時「豬嘴」唔係一次性用品，病毒同飛沫有可能依附喺「豬嘴」表面，如果重用「豬嘴」時未徹底清潔同換濾片，就有可能中招。

郭醫生話現時未有方法可以令「豬嘴」重用時絕對清潔同安全，因此認為戴「豬嘴」係無用。

更多港聞

【明報專訊】再有副局長因返過內地，要自我隔離14日。財庫局副局長陳浩濂（Joseph）喺農曆新年前休假，同家人去過上海，所以要自我隔離。Jo... 詳情

【明報專訊】政府舊年10月將超過150年歷史嘅灣仔玉虛宮列為法定古蹟，發展局長黃偉綸噚日發表網誌，搵咗古物古蹟辦事處歷史建築組館長伍志和「講... 詳情