【Emily】被嘲派國王的酒精 民記空樽照惹誤會
[2020.01.31] 發表
【明報專訊】一罩難求，酒精搓手液同樣難求！民建聯沙田支部噚日喺facebook發文，圖片顯示當區議員林港坤派「自製酒精搓手液」，但另一幅圖只有3箱空樽，引來網民「嬲嬲」不斷，並遭譏笑「國王的酒精？」。
林港坤(Roy)回覆Emily，話「絕對唔係派空樽」，呢3箱空樽只係準備過程期間拍攝，派出去時會載有自製酒精搓手液，成分包括酒精、蘆薈膠、甘油或滴露等。Roy透露，前兩日開始派搓手液，「最嘥時間係買材料」，沙田區好多藥房已無得賣，價錢亦偏高，更託朋友跨區到荃灣買酒精，亦要去深水埗等地搜羅空樽，話目前物資短缺，「政府應做番啲嘢」。
網民見到圖中只有「吉樽」，留言譏笑「國王的酒精？」、「國王的潔手液？」，亦有人不滿話「派吉樽有咩用呀，叫政府封關啦」、「原來就係你搶晒啲貨」，另有人認為派口罩更好。
更多港聞
【明報專訊】新型冠狀病毒疫情擴大，農曆新年假後嘅「關鍵時期」，除咗政府部門職員暫時可留家辦公，中國基督教播道會恩福堂噚日亦公布，取消周六及周...
詳情
【明報專訊】立法會財委會原定今日繼續審議公務員加薪撥款項目，不過喺武漢肺炎疫情肆虐下，財委會主席陳健波（波哥）噚日決定應民主派議員要求，取消...
詳情
相關新聞
