【Emily】田北辰又抱孫 「BB口罩邊度買？」
[2020.01.29] 發表
【明報專訊】近期香港發生唔少唔開心嘅事，但實政圓桌議員田北辰近日笑逐顏開，皆因佢大年初三再做外公，大女誕下精靈老鼠仔。田二少同Emily講，佢榮升外公既高興又煩惱，因為疫症肆虐，講笑話BB咁細個，唔知又使唔使戴口罩呢？
田二少話，如果BB要戴口罩，又會喺邊度有得買？佢話𠵱家香港甚至連無乜防疫力嘅花粉口罩都買唔到，大家都好憂心，佢都希望大家身體健康。田二少兒孫滿堂，已經連續第六年抱孫，佢話好感恩，孫仔預產期本來喺大年初一，結果呢位家中老三揀喺年初三出世，仲可以𢭃公公封大利市。
更多港聞
相關新聞
