【Emily】議助不再 之鋒周庭失業
[2019.12.18] 發表
【明報專訊】終審法院拒絕就選舉呈情批出上訴許可，區諾軒(區軒)同新民主同盟范國威(Gary)即時無咗立法會議席，不過，民主派早前喺區議會選舉中大勝，二人支持嘅社區主任絕大部分都當選區議員，因此即使失去立法會議席，都對地區工作同資源唔會有好大影響。但區軒請咗幾個香港眾志成員做議員助理，包括秘書長黃之鋒、周庭同鄭家朗等，黃之鋒同Emily講，𠵱家無咗份工，惟最擔心都係區軒要畀堂費嘅問題。
區軒一直都同香港眾志緊密合作，佢當年參加港島區補選，被視為周庭嘅「Plan B (後備人選)」，當選後亦協助好多後生仔喺南區做社區工作，以及聘請眾志成員做議助。黃之鋒同Emily講，𠵱家無咗份兼職議助工作，至於會唔會去南區啲區議員度做議助，佢就話要取決於有無補選。
區軒專心教書 Gary：安排議助「落區」
區軒同Emily講，有大學搵佢喺新學年教書，現時無咗立法會議席，來年就會專心教書。
范國威就話，會為自己嘅議助同事安排出路，安排佢哋去新同盟區議員嘅辦事處工作，希望可以盡力保障到同事。佢又話，自己係候任區議員，所以來年可以繼續公務探訪在囚「手足(抗爭者)」，可惜唔可以再喺立法會跟進警暴問題。
更多港聞
【Emily】副局陳浩濂搵師弟傾偈 講起反修例
【明報專訊】政府高層近期玩facebook對話，唔使公開見人，而財經事務及庫務局副局長陳浩濂（Joseph）噚日就返咗母校香港華仁書院，同2... 詳情
理大執仔李校長 難忘學生一句對不起 稱年輕人盼獲理解 「行為縱不恰當 想人明白動機」
【明報專訊】陽光和煦的早晨，光線四處滲入校，映照天主教慈幼會伍少梅中學牆上掛着的「Change the world」橫額。於理大圍困事件「執... 詳情
相關新聞
