【Emily】電影兵器 現實展覽
[2019.12.14] 發表
【明報專訊】香港以前盛產功夫及武俠電影，戲裏面嘅兵器林林總總，雖然無伸縮警棍或防暴槍，但雙節棍、纓槍等嘅殺傷力都唔講得笑，仲有血滴子呢類勁嘢，一出現實見血。
香港電影資料館噚日起至明年3月8日，喺館內展覽廳舉辦「五花八門——香港電影的兵器世界」展覽，畀觀眾近距離感受各種兵器嘅氣勢。展覽特意還原《龍爭虎鬥》(1973)中李小龍同石堅上演終極對決嘅場景，並展出二人練功時分別使用嘅雙節棍同纓槍。展覽仲有武術大師關德興喺《神鞭俠》(1968)所用嘅皮鞭同埋喺《黃飛鴻》系列所用嘅柳葉刀(圖)，仲有名作《獨臂刀》(1967)中嘅獨臂刀、《血滴子》(2012)中嘅血滴子。展覽和座談會均免費入場，有興趣可瀏覽電影資料館網頁。
更多港聞
相關新聞
