【Emily】涉圖書館 政府又抽起理大撥款
[2019.11.21] 發表
【明報專訊】近日中大、理大先後成為示威者與警方之間嘅「戰場」，令建制派要重新考慮係咪要支持對大學嘅撥款，繼上星期五嘅財委會，政府臨時抽起涉款14億元擴建理工校園撥款後，政府前晚去信工務小組，將原本排喺議程第一項嘅擴建理大圖書館、涉及3.4億元嘅項目抽起，並解釋話因為近日發生嘅事，理大需要檢視工程時間表。此舉令泛民非常不滿，更對另一工務小組項目提中止待續議案，但最終被否決。
泛民質疑有明顯政治意味
工務小組噚日朝早開會，公民黨譚文豪不滿政府抽起項目，多輪提問後，對有關啟德發展計劃嘅項目提中止待續議案。佢發言時質疑政府抽起嘅目的，指若理大擴建圖書館，即使工程時間表有問題，都可以先批出項目，再喺財委會等待排上議程，質疑政府今次突然抽起項目有明顯嘅政治意味。民主黨胡志偉話，項目通過咗亦唔係聽日就立即動工，要有準備工作，批評政府抽起項目係懲罰學校、市民同學生。
建制派陳凱欣話，政府文件已解釋係理大要檢視時間表，佢話理工現時係「頹垣敗瓦」，應畀空間理大，呼籲泛民要公平去睇。
更多港聞
【明報專訊】民主黨許智峯噚日喺立法會大會上提出有關「調查反修例運動」嘅口頭質詢，不過喺佢讀出質詢內容時用上「反送中運動」字眼。民建聯何俊賢提...
詳情
【明報專訊】8間資助大學學生本學期不用再回校上課，各校考試另作安排。香港大學向學生發電郵通知課程評核安排，就本學期修讀的課程，學生可按個人意...
詳情
【明報專訊】教育局2019/20學年起，分3個學年在公營中小學推行「加強校本言語治療服務」，支援有言語障礙的學生。教育局長楊潤雄書面答覆立法...
詳情
相關新聞
