【Emily】泛民土瓜灣撞區 街坊委做民調 香港民研：李軒朗支持度明顯較高
[2019.11.19] 發表
【明報專訊】區議會選舉將於嚟緊嘅周日(24日)舉行，今屆選舉「區區有票投」，個別選區出現民主派「撞區」。九龍城區土瓜灣南分別有「九龍角落」李軒朗、獨立民主派黃綺婷(ET)參選，雙方一直未成功協調。據Emily所知，有熱心街坊自發委託香港民意研究所做民調，結果顯示李軒朗支持度「明顯高於」ET。李軒朗話事前已承諾以民調結果作準；ET就同Emily講，要與團隊再商討。
李軒朗支持度62%
黃綺婷支持度38%
香港民意研究所受委託，於本月14至17日喺土瓜灣南做現場選民調查，一共成功訪問咗465名願意提供投票意向嘅當區選民，民調只係抽取投票予李軒朗或黃綺婷嘅個案分析，一共有389人，當中李軒朗獲243人支持，佔62%；ET獲146人支持，支持率為38%。民研計劃判定，李軒朗支持度明顯高於ET。
李軒朗向Emily表示，佢事前已經承諾過，會以民調結果為準；ET就同Emily話，佢都係啱啱先睇到民調結果，正與團隊商量中，要等埋團隊一齊做決定。當區另一候選人為獨立候選人、現任區議員林博。
更多港聞
【明報專訊】全國政協副主席、前特首梁振英（CY）係理工大學前身理工學院嘅校友，近兩日佢母校有事，警察同示威者、學生激烈衝突，CY噚日一日內就...
詳情
【明報專訊】示威喺各區持續，有路面被堵塞，呢幾日紅磡海底隧道全線封閉，多條道路都有塞車，交通有啲混亂。一直要求政府止暴制亂嘅民建聯，噚日就出...
詳情
【明報專訊】喺英國倫敦嘅律政司長鄭若驊，於當地時間上星期四傍晚出席講座途中遭示威者包圍，其間跌倒，主辦單位話鄭若驊進入演講舉行嘅大樓期間被人...
詳情
相關新聞
