【Emily】陳日君銀髮族齊話唔割席
[2019.11.16] 發表
【明報專訊】反修例風暴持續多月，警民衝突燒至大學校園，燃燒彈同催淚彈四飛，銀髮族同埋天主教香港教區榮休主教陳日君樞機話唔會割席。
組織 「銀髮族老而不廢」噚日發起「查警暴 止警謊」銀髮族遊行，爭取五大訴求同抗議警暴，其中一個發起人譚國新話永遠立場都係支持同包容示威者，雖然有唔少報道話最近示威者堵塞交通，但係「如過要割，只會同林鄭、同警察暴力割席」。佢又話已經有好多年輕人被捕，叫在場銀髮族思考：「如我哋再唔做多啲，(前線)就愈嚟愈少人，大家會唔會考慮再做多少少，再行前少少？」
陳日君樞機就喺facebook出post，話「割席了嗎？當然不是。但令人擔憂」。佢話兄弟爬山一齊努力，需要團結，需要合作，需要有策略，希望各級市民派代表組成民主共盟，從速成立獨立調查委員會，兌現五大訴求。唔少留言都話感謝佢！
更多港聞
【明報專訊】近日全港交通陷半癱瘓，例如中文大學一帶，東鐵線大學站已多日無開，吐露港公路亦未能行車，唔少要出入中大嘅市民，例如師生、記者都覺得...
詳情
【明報專訊】政府喺10月4日引用《緊急情况規例條例》訂立《禁止蒙面規例》，呢條係「附屬法例」，政府用「先訂立後審議」形式處理，法例喺10月1...
詳情
相關新聞
