【Emily】建制轟止暴「無行動」 張建宗：大家善忘
[2019.11.14] 發表
【明報專訊】政務司長張建宗噚日帶領一眾官員到立法會，回應教育界立法會議員葉建源提出「立即平息民憤的緊急措施」嘅急切質詢。張建宗答嚟答去都係講番特首林鄭月娥喺9月初提出嘅4項行動，同埋警方執法行動係回應犯法行為，令建制派如工聯會郭偉強、經民聯林健鋒等批評佢無提出「止暴制亂」嘅具體方法，郭偉強話，「希望佢(張)留意，我擔心佢嘅回應可能會令民憤更嚴重」。張建宗反駁，政府有做具體措施，「可能大家善忘」，唔記得政府做咗兩輪中小企支援措施，同埋開學津貼等紓民困措施。
郭偉強憂回應反激化民憤
郭偉強話，打工仔呢兩日被迫罷工，返唔到工、返唔到學，可以預期飯碗可能不保，「決心你(政府)有好多，但要有實際方法先得嘅」，問政府究竟有咩實際行動盡快止暴制亂。張建宗話，知道市民怨聲載道，「止暴制亂係大家夢寐以求」，至於有咩可做，佢話政府有同各界溝通，唔係門面工夫，因為今次政府好大教訓，喺施政方面要虛心聽唔同階層背景嘅意見，又話自己都有落區。
郭偉強參選東區區議會和富選區，對手有陳嘉陽、林斯嵐。
更多港聞
【明報專訊】《星島日報》噚日報道，港澳辦主任張曉明計劃來港，喺今個星期五到政總出席宣講會，解讀中共「四中全會」《決定》嘅內容，報道指特首林鄭...
詳情
教大改計分 M1 M2計最佳5科 「隔年開辦」中史去年最多人爭 今年開歷史
【明報專訊】教育大學本科生課程基本入學要求為33222，收分計文憑試（DSE）科目最佳5科成績。從2020/21學年起，教大會將數學延伸部分... 詳情
【明報專訊】中學通識教育科於反修例運動下爭議聲不絕。教育局9月提出審視已出版的通識科課本質素，當局昨書面答覆立法會議員提問，稱截至上月中，參...
詳情
相關新聞
