【Emily】CY想做會員 記協教路兼指正
[2019.10.31] 發表
【明報專訊】警方周一(28日)開例行記者會，有自由身女記者即場抗議；喜歡喺facebook表達意見嘅全國政協副主席、前特首梁振英(CY)就質疑呢個女記者嘅身分，話佢只有一張記者協會編號F200既會員證，仲話佢自己都有採訪經驗，「我編過學生報」，想問吓記協點申請會員證。記協反應迅速，仲教CY點申請做會員。
CY：自稱freelance(半失業？)
記協批評貶低自由記者
CY話涉事女記者「原來沒有傳媒機構的固定工作，只是自稱freelance(失業或半失業？)，前一日才向記者協會renew會員證(葉嘉雯自己在電台節目中表白)的人也是記者，也可以帶備道具，大模大樣到警察總部干擾記者會的進行，哪(那)在示威暴動現場的品流複雜就可見一斑了」。
話CY搞錯女記者名
記協反駁，「自由身記者從來都是傳媒行業重要的組成部分」，而將自由身記者形容為「只是自稱freelance(失業或半失業？)」，係貶低各行各業自由身工作者。該記者正係按記協程序，以佢喺各大國際傳媒包括CNN同半島電視台等工作證明，先可以拎到記協會員證同記者證。記協又指正CY，話CY指摘嘅記者名叫「葉家文」，而非「葉嘉雯」。
記協歡迎CY好似該記者一樣申請會員證同記者證，只要CY提供佢以新聞工作為主要收入來源嘅證明，記協就會按程序處理申請。
更多港聞
【明報專訊】新民黨容海恩（Eunice）將喺立法會動議譴責熱血公民鄭松泰（泰博），話泰博喺7月1日示威者衝擊立法會當日，喺大樓內做直播，介紹...
詳情
【明報專訊】立法會上年通過將男士侍產假由3日增加到5日，勞工及福利局政治助理馮興禮（Henry）可以受惠於呢個「成功爭取」喇！佢同Emily...
詳情
【Emily】光頭警長figure 淘寶預告賣?50
【明報專訊】反修例風波持續，警民關係惡劣，但喺內地就有唔少人支持香港警隊執法，而7月底喺葵涌警署外舉起霰彈槍嘅「光頭警長」劉澤基已成為網絡紅... 詳情
反修例下 兩成學校擬減國教活動 教聯會：當中逾半減內地交流
【明報專訊】為了解學校辦國慶活動及國情教育情况，教聯會本月初以問卷訪問204名學校老師。因應近日社會氣氛，21%受訪者稱學校有計劃減少國情教... 詳情相關新聞
