同路人不支持破壞行動 指勇武示威令市民受害
前民陣召集人轟引用 「與媽媽的對話」
【明報專訊】香港民陣前召集人楊政賢昨日(香港時間)在其個人臉書(Facebook)在上，寫了一篇關於他與母親對話的文章，表示他「淺黃」的母親不同意現時示威者的「裝修行動」，以至於「不知道如何可以理直氣壯地支持這個運動」。
楊的文章被香港傳媒「HK01」引述，遭楊政賢指「HK01」攪分化，在未得他同意前引用他的文章。
他說：「HK01，我無授權你將我篇文寫做新聞，而我根本無講過你所『引用』的造句。我其實有好多身分，民陣N年前已經與我無干，我寫篇文係我作為一個兒子的身分去寫，你要做分化撚，得，但唔好一句都無問過就扮係我接受訪問。我已經inbox左你已經撤回段新聞，希望你盡快回應。」
之後他說：「01已經有記者聯絡我，我亦講哂我覺得報道有咩不恰當同錯誤的地方，希望未來唔會再發生係任何人身上。」
「HK01」除了引述楊政賢臉書的留言外，還說：「有連登網友指，這些破壞行為，受苦的只是普羅大眾，對政府卻毫無影響：『你搞x銀行，市民拎唔到錢，損失係市民。你搞x中資店，起個道做野既打工仔，要同你收拾爛攤子，因為佢地要點算物品，損失又係市民。你無差別堵路，車上公公婆婆冇得去廁所，小朋友又驚又喊，巴士裏面既所有人一定好鼓譟，肯定有人係黃有人係藍，持相反意見，口角，打起上來，其他人無辜的，損失又係市民…所有警署完整無缺，因為怕左，驚攻唔到。』
「此外，亦有連登網友引用『神劇』《天與地》的金句，勸示威者『裝修』、『私了』前應停一停諗一諗：『和諧唔係一百個人講同一說話，和諧係一百個人有一百句唔同說話之餘，又互相尊重…再鬥落去，假如自己老豆老母係深藍，係咪要搵咪自己兄弟姊妹，夾手夾腳私鳥(了)左去？』
『講咗幾多次唔可以燒書/書店，你咁樣會俾人拉埋去文化大革命，踐踏知識，書係文化傳遞佔好重要一環，言論自由文化自由出版自由，呢啲全世界都好看重，整場抗爭亦都係基於呢啲人文價值，我啲鬼佬friend都話外國媒體口風開始變，講到香港示威者變得暴力，唔啱政見就打，燒私人財產etc.』
而前民陣召集人楊政賢在Facebook上發布的貼文，「HK01」將之截圖貼出。
在楊政賢的個人臉書上，他寫道：
「同媽媽傾計，我總會將話題帶到示威，因為佢係一個典型的淺黃，可以反映出同佢差唔多年紀同光譜的想法。在過去個兩、三星期，我開始察覺到一些警號。
媽媽由六月到八月上街的次數，超越了佢人生的總和，佢會上街、會十點鐘大叫、我被捕搜屋時佢亦會鬧popo。在近一個月，她少講了關於運動的東西，亦少了參與行動，因為她不能贊同裝修行動。
不贊同行動，不代表她已經變藍，又或是會同裝修仔╱勇武割席。而是，她不知道如何可以理直氣壯地支持這個運動。
『其實香港人平時有少少阻都會嘈，今次停地鐵大家都好忍讓。不過有啲行為真係講唔過去，所以我只能夠選擇唔出聲…唉我都唔識講，所以只能夠唔出聲，同埋啲同我差唔多想法的人，會少左上街囉。』
然後佢又會好憂心，有人趁火打劫，會入哂示威者數。
楊政賢個人臉書上亦作出以下言論：
「在警暴同濫用緊急法的陰霾下，最和理非的示威者是不會割席的，但他們會選擇少講一點，少點參與。
可能有人會認為，淺黃又不會衝，民意又不能撼動政府，咁點解要照顧和理非的想法？這是因為，民意不是用來撼動政府，而是用來壯大我方的聲勢 —— 淺黃在日常生活大大聲屌到藍絲唔出聲，可以增加建制派的恐懼；淺黃有動力參與直接行動，可以令走得前的人有更多保護。有街坊一路叫囂一路圍旺角警署，同埋無街坊幾個箭頭行去水馬前，個感覺係好唔同。
話說如此，咁係米代表唔需要懲治紅色商店？唔係，但正如連登有個post 講，「黑裝修、紅裝飾、藍罷買、黃幫襯。」一間著火的美心，係對家的文宣；一間塗滿控訴文字╱貼滿Memo紙的360，就係我地的文宣。
200萬人，個個想法不同。帶住整個陣營升級係好難，但如果我地克服到呢個挑戰，就會得到成功。」
禁蒙面法實施後 一男一女首提控
禁蒙面法》前日(5日)凌晨生效，昨(6日)首次有市民因違反《禁蒙面法》而被落案起訴，案件周一(7日)於東區裁判法院提堂。一男一女涉10月4和5日在藍田啟田路一帶非法集結，以及於5日戴上口罩，被控一項參與非法集結罪，及被控一項在身處非法集結時使用蒙面物品罪。兩名被告被押至東區裁判法院應訊，獲准保釋至11月18日再訊。據悉，兩人分別戴上普通口罩及布製口罩。
兩名被告分別是城市大學電腦科學系一年級生吳隆平(18歲)及無業的蔡玉雲(38歲)，報稱居於藍田區。控罪指稱，兩名被告於10月4日和5日，在藍田啟田路一帶，和其他不知名人士一同非法集結；兩人亦分別被控於同日同地身處非法集結時，無合法權限或合理辯解而使用相當可能阻止辨識身分的蒙面物品，即耳掛式口罩。
