【Emily】羅范性服務論 新民黨兩區議員促致歉
[2019.09.12] 發表
【明報專訊】行政會議成員羅范椒芬日前喺電台上話「確認」有一啲年輕女子被誤導向前線示威者提供免費性服務，言論一出引起爭議。新民黨兩名區議員甘文鋒同傅曉琳噚日喺facebook出post，要求羅范為發放未經證實言論致歉，並收回言論。羅范就反駁對方憑咩話佢散播謠言，又話噚日早上收到電郵，傳電郵者話有呢啲事，電郵內容係「一位朋友告訴我(傳電郵者，非羅范)，她的13歲女兒被高年級同學游說為男性示威者作『天使』……我正游說她報警」。
重申講事實
羅范話再收電郵
甘文鋒同Emily講，佢出post係獲得新民黨同意，即係得到黨主席、另一行會成員葉劉淑儀同意。
甘文鋒同傅曉琳個post話，社會上愈來愈多未經證實嘅消息廣泛流傳，包括8．31太子站有人死亡及羅范嘅言論等。佢哋對上述缺乏真確證據支持嘅言論表示遺憾，認為呢類言論無助平息社會爭端，對香港百害無一利。
羅范向Emily重申佢講嘅係事實，佢話「請問傅曉琳和甘文鋒議員憑什麼認為我發放的是未經證實的言論？難道他們要女孩示眾？」佢話自己有責任發聲，勸喻少女勿輕信初相識嘅人，同遠離酒精和大麻；而佢毫無誘因要散播謠言，反問兩人：「有證據證明這種事件從沒發生過嗎？」
更多港聞
【Emily】泛民動議責警9?7打人 建制離席流會
【明報專訊】警方上周六喺大埔墟火車站內以警棍擊打一名學生、導致佢頭部流血送院，事件引起關注，大埔民主派區議員噚日喺區議會社會服務委員會上，提... 詳情
【Emily】諷想U-Turn呃票 民主黨製「民建聯訴求」橫額
【明報專訊】民建聯早排同一班警察家屬約見3個局長見面提出訴求，包括強烈反對成立獨立調查委員會、要求成立「監師會」等，民主黨副主席、南區區議員... 詳情
【明報專訊】反修例示威活動頻繁，令佔中時首次出現嘅警察4點鐘記者會由上月5日開始「復活」，逢周一至周五都有，超過5星期無間斷舉行；噚日警方突...
詳情
【明報專訊】過去兩日親建制報章報道話有「暴徒」揚言噚日要發動恐襲，話「911必定有重大傷亡」，又話要襲擊黃大仙紀律部隊宿舍，英文官媒亦喺社交...
詳情
相關新聞
