【Emily】上載網圖中招 吳文遠兩度澄清

行政會議噚日提早復會，社民連吳文遠（中）等人到場抗議，批評特首林鄭月娥「不仁」。（李紹昌攝）

吳文遠上載圖片，暗示有警員（上圖）喬裝記者（下圖），佢其後引述網民澄清話該男子係臨時演員，曾於《寒戰》演出；其後又澄清話該男子係輔警，政治取態「深藍」。（吳文遠facebook圖片）

【明報專訊】反修例風波期間，網上消息真假難分，一不小心�鐪acebook分享�鱁皎灡均A社民連主席吳文遠噚日都中招。話說佢上載圖片，暗示有警察扮記者，仲問「阿sir」可唔可以專業少少；佢其後就澄清再澄清，先話原來該名叔叔係臨時演員，其後再引述網民話該叔叔係輔警，佢忍唔住慨嘆係「真假難分的時代呀」。

嘆「真假難分時代」

話說吳文遠上載圖片，顯示有一名身穿警察制服�翵k子，�鬘靮簡{場著記者反光衣協助外國傳媒，佢就質疑呢名「警員」可唔可以專業少少，「黐撇鬚、帶(戴)個假髮都好呀 」。不過，其後佢引述網民更正，話呢名叔叔唔係警察，而係做過臨時演員，有關男子著警服圖片其實係《寒戰》劇照，今次運動奔波勞碌去唔同地區協助外國記者採訪。

其後，吳文遠二度澄清，引述有其他網民起底指圖中人物係輔警，仲話協助外國記者採訪時都會藉機影示威者大頭相，如果屬實大家就要小心咁話。現時網上消息咁多，作為政黨主席都無做好fact check，大家按掣share資訊時，真係要做個精明網民，先做好核實呀。