【Emily】蔡淑嫻升創科局常秘 潘婷婷任署長
[2019.07.24] 發表
【明報專訊】創科局常秘卓永興4月已經放緊退休前休假，並由副秘書長伍江美妮署任常秘，政府噚日終於公布接任人，就係由大熱人選、創新科技署長蔡淑嫻(Annie，圖)升上去，而署長就會由運房局副秘書長(運輸)潘婷婷出任，兩人都會喺下周二(30日)就任。
莫乃光：蔡有回應業界訴求
創科署主要職能係批錢出去資助研發新科技、應用科技等。立法會資訊科技界議員莫乃光話，Annie自2015年擔任創科署長期間，因為政府政策支持，有多咗資源，亦有回應業界訴求，批錢方面寬鬆咗；由Annie升上去做創科局常秘，而唔係空降新人入去，反映政府想有延續性，期望佢可以幫到香港科技由第一階段嘅「起基建」，進入第二階段嘅創造更多職位同大力推行在職培訓，協助市民轉型。至於由潘婷婷做署長，莫乃光就笑住話「無驚喜，亦無驚嚇」，期望佢繼續聆聽業界意見。
另外，政府公布透過青年委員自薦計劃，委任兩個委員葉安潤同孫康喬，參與博物館諮詢委員會同其轄下常設專責委員會，會就康文署轄下博物館嘅工作，包括建立形象、市場推廣、業務發展等向康文署長提供意見。
更多港聞
【Emily】馬會新會所明年開幕 今起招500人
【明報專訊】馬會跑馬地嘅新會所明年開幕，馬會加強培訓人才及招聘，今日起至下月10日舉行招聘博覽，餐飲服務、廚師及廚務、體育及康樂部、會員關係... 詳情
【Emily】卿姐獲LSE頒博士 致辭籲英續關注香港
【明報專訊】民主黨前主席劉慧卿（卿姐）喺英國接受佢碩士母校倫敦政治經濟學院（LSE）頒授社會科學名譽博士學位，佢喺致辭時提到，香港政府修訂《... 詳情
【Emily】「國家最緊要」莫錦貴撐警應更強硬
【明報專訊】近日因修例風暴引發多場衝突，包括沙田新城市廣場警民衝突。沙田鄉事委員會噚日舉行執委會就職典禮，大家致辭時都關心近日事件，沙田鄉委... 詳情相關新聞
