每人夾$200 反修例爸媽擺站派涼茶

Natalie（左）一家三口同40、50個家長自發喺香港文化博物館外擺「涼茶站」，向市民派涼茶同運動飲品。（艾博瑜攝）

【明報專訊】遊行喺各區「遍地開花」，噚日就到沙田區。一班家長自發喺香港文化博物館外擺「涼茶站」，向遊行者派涼茶同運動飲品。發起人Natalie同Emily講，有40、50個爸爸媽媽每人夾咗200蚊，買涼茶同運動飲品派畀市民；更有人前一晚捱夜煲涼茶𠻹。Natalie話之前嘅遊行湊住細路仔都比較難行，對於今次可以定點咁參加遊行，又可以為市民做多啲，都好開心。

恒生大學學生會都有喺沙田正街擺水站，向市民派水。外務副會長符家誠話，「沙田喺我哋嘅社區，好想做多啲，唔只係行」，令大家感受到大專學界仍然支持反修例運動。

環團終點回收 籲重用橫額減廢

環保團體「不是垃圾站」再次出動，喺遊行終點做回收。成員伍小姐話，知道有街坊想喺遊行度派水派涼茶，有同對方聯絡，希望佢哋減少用紙杯；無奈今次遊行安排較倉卒，知道街坊已盡力減廢，用紙杯係避無可避。佢呼籲大家喺嚟緊嘅遊行除咗自備水樽，「喺五大訴求一日未達成，都可以重用標語橫額，減低廢紙量」。

更多港聞

Tanya沙田遊行 今做第5次電療

【明報專訊】公民黨立法會議員陳淑莊（Tanya）喺佔中九子案裁決後，做咗腦瘤手術，健康狀况備受關注。雖然手術後仍要繼續電療，但Tanya繼上... 詳情

張建宗籲學生暑假去博物館

【明報專訊】暑假開始，炎炎夏日去邊好？政務司長張建宗噚日就喺網誌介紹康文署轄下博物館，希望學生可以學習新知識、拓闊視野。佢話康文署轄下有14... 詳情