泛民批「聽令中聯辦」 麗芸反駁被叫停 Ann姐喝李慧琼：唔好叫我個名

民建聯蔣麗芸（右圖）噚日開會時激動反駁民主派批評，同屬民建聯嘅李慧琼（左圖）嘗試叫停Ann姐，換嚟Ann姐憤怒高舉右手指罵：「你唔好叫我個名！」Ann姐之後仲一手撥開勸交嘅工聯會麥美娟。（立法會直播截圖）

【明報專訊】立法會噚日繼續討論如何喺《逃犯條例》修例風波後恢復社會和平嘅休會動議，專業議政葉建源發言時，批評中聯辦一聲令下建制派就全部歸位，民建聯蔣麗芸(Ann姐)聞言起身激動反駁，同屬民建聯、當時正主持會議嘅內會主席李慧琼(Starry)嘗試叫停Ann姐，但換嚟Ann姐憤怒指罵：「你唔好叫我個名！」

葉建源發言時，形容市民不再信任議會，因為議會未能做到有效平衡，議會喺建制派全力配合下，令不受市民歡迎嘅施政都可通過，中聯辦一聲令下建制派就會全部歸位。

Ann姐聞言起身反駁，問對方「咩中環西環一聲令下，你聽過咩？」，話如果自己唔回應，就即係承認葉嘅講法。Starry見狀就嘗試叫停Ann姐，但Ann姐指住Starry鬧，結果被熄咪，Starry話議員如果要回應其他議員嘅說話內容，可以按掣要求發言。

葉建源之後繼續發言，正行出會議廳嘅Ann姐再次按捺不住，高聲反問葉：「市民幾時有睇到(中聯辦下令)呀？喺邊度睇到呀？你講！」Starry再次要求Ann姐保持肅靜，工聯會麥美娟亦行埋去Ann姐隔籬，用手捉住Ann姐勸交，詎料Ann姐一手撥開，並高聲話：「嗱你唔好郁我！」最終Ann姐離場後，會議先繼續。

更多港聞

帶「唯唯」改圖上立會 張超雄：呢位網民講得好

【明報專訊】藝人梁競徽（唯唯，前稱梁烈唯）最近成為反對修訂《逃犯條例》市民嘅惡搞對象，「唯唯」嘅相都被配上反修例字句。工黨張超雄噚日喺立法會... 詳情

反修例廣告登各地報章 美法日9地今出街

【明報專訊】二十國集團（G20）峰會今明兩日喺日本大阪舉行，有反對修訂《逃犯條例》嘅網民早前眾籌喺各地報章登廣告，爭取國際關注。首輪廣告連同... 詳情

深水埗區會房屋委會 通過反修例「五訴求」動議

【明報專訊】元朗、西貢、大埔區議會主席都唔畀喺區議會大會上討論有關修訂《逃犯條例》爭議嘅動議，不過深水埗區議會轄下嘅房屋事務委員會噚日就有相... 詳情

西南方地點 下月17日可見月偏食

【明報專訊】香港上空於下月17日（星期三）凌晨出現月偏食，如天氣許可，市民將可以觀賞月食嘅部分過程。天文台提醒市民，由於月食期間月亮嘅仰角較... 詳情

八大統一衡量五大範疇表現

【明報專訊】大學教育資助委員會首次與8間資助大學簽訂「大學問責協議」，當中列明統一「界別表現衡量標準」，量度5個範疇表現，包括研究、知識轉移... 詳情