施永泰任青民主席 「無政績」惹微言

新一屆青年民建聯主席施永泰（藍衣者）現為該黨中西區義務社區主任，佢話獲委任為青民主席相信係同工作經驗有關。（施永泰fb圖片）

【明報專訊】民建聯中委前晚開會，通過委任港大MBA畢業生、初創企業創辦人施永泰做新一屆嘅青年民建聯主席，8月上任。不過，青民內部就有微言，話施永泰喺民建聯內名聲唔響，又無政績，以往主席起碼係民記中委，但佢只係普通會員就上到主席位。施永泰同Emily講，佢冇特別「背景」，阿爸都係因為佢加入咗民建聯，然後跟住加入；獲委任相信係因為自己有多方面嘅經驗，熟悉青年關注嘅創業、創新同創科，所以領導層願意畀機會同信任新人。

29歲嘅施永泰，2017年喺加拿大返港先加入民建聯，有10年工作經驗，現為一間網上營銷初創企業嘅創辦人，係數碼港培養計劃嘅受培育公司。佢亦係民記中西區嘅社區主任，佢話自己只係義工，亦未有打算參加11月嘅區議會選舉。至於接手青民後有咩大計，佢話正努力籌備新班子，要埋班再傾，但都會承接民記跨階層嘅發展方向，希望吸引多啲工商專業年輕人加入青民。

現任主席顏汶羽話，施永泰係創業青年，憑佢過去嘅經歷可以為工商、專業青年搭建更多平台同機會，對施主席充滿信心，亦期望新一屆青民委員會帶領青民再創高峰。

更多港聞

被指「走光黑點」 九巴實測採光不走光

【明報專訊】民建聯立法會議員葛珮帆（EQ）日前公布12個新「走光黑點」，九巴因為樓梯有透明玻璃上榜，EQ建議九巴加貼磨砂貼紙。九巴噚日喺fa... 詳情

毛孟靜諷林鄭「焦土之母」

【明報專訊】立法會昨辯論議員對特首林鄭月娥嘅不信任動議，提出修正案嘅議會陣線毛孟靜，早前被指講嘅說話「非議會語言」，再度指摘「林鄭講大話」。... 詳情

曾用卡式帶教學被嫌棄 轉而開發網上平台 浸大講師連繫港歐學生齊學外語

【明報專訊】出生於印度的他，升讀大學時才初接觸德語，之後在大學教德語，現為香港浸會大學政治及國際關係學系副系主任、歐洲研究課程高級講師。本着... 詳情

大學師生助製數碼地圖 幫落後國家救災

【明報專訊】許多發展中地區仍沒具系統的數碼地圖，地圖上除展示地名或公路，其餘就是一片空白。無國界醫生（香港）在港首辦「地圖馬拉松」（Mapa... 詳情

教局籲勿輕信升學中介 倘收大額註冊費要小心

【明報專訊】教育局日前向各中學發通告，提醒有意到外地升學的考生，切勿誤信只要付款給介紹機構，便可前往外地升學，而就讀內地課程，若須預繳高昂註... 詳情