林大輝客串《鐵探》法官 陸續有來
[2019.04.25] 發表
【明報專訊】無綫最近播嘅電視劇《鐵探》引起唔少討論，前晚一集連政界人都有留意到，因為有一幕大家見到體育學院主席林大輝做埋法官、有對白，網上討論區有網民話該角色「好似林大輝」，等到片尾介紹劇中人時，林大輝個名就喺特別演出一欄出現。Emily問過大輝，佢笑言玩票性質踩入演藝界，講明「千祈唔好睇小我潛質」，透露除咗《鐵探》外，近日亦為另一套劇客串，新劇更會有多啲戲分。
大輝唔願多談點解會走去客串，只係話一次朋友聚會中獲邀，自己亦無咩所謂，笑言做過政界、教育界、體育界、社團界，係時候做吓其他界別；又話當日拍攝法官一幕，由化妝等前期準備到拍完走得，兩個鐘內完成，最難係最初唔知要望邊部攝影機。大輝話播出後收到好多朋友查詢，有加拿大朋友更撮圖話個角色好似佢，大輝講笑話「人有相似」，點知朋友回應話角色比較「薯」，佢真人就醒啲，令佢哭笑不得。
更多港聞
【明報專訊】政府預料最快2020年底落實垃圾徵費，但自從舊年12月立法會成立法案委員會以來，至今只開咗5次會，距離立法會休會剩番兩個月左右，...
詳情
【明報專訊】負責就公務員聘任、晉升同紀律事宜向特首提供意見嘅公務員敍用委員會，近日發表2018年年度報告，透露去年就40宗公務員違紀個案提供...
詳情
第22屆校園記者﹕通宵趕製晚裝 學生時裝賽奪冠
【明報專訊】時裝設計師許麗青（Cindy）及林永鏗（Alan）開設的婚紗及晚裝品牌CINDYALAN舉辦「裁出天地亞洲時裝設計大賽——香港站... 詳情相關新聞
