補王敏剛空缺 陳曉峰任人代 多謝「有機會報效國家」
[2019.04.24] 發表
【明報專訊】全國大人常委會噚日喺北京召開會議，通過由香港律師會理事、自由黨陳曉峰(圖)為十三屆港區全國人大代表，代替上月病逝嘅王敏剛遺下嘅空缺。陳曉峰之前喺港區人代選舉中得票排名37，成為遞補人選。
人大常委譚耀宗噚日見傳媒時話，陳曉峰資格已獲資格委員會確認，待表決通過發公告後，陳曉峰就可以參與人大代表工作。譚又話，陳曉峰有法律知識，加上其律師行具規模，相信未來能與陳曉峰合作愉快。
陳曉峰就話好多謝選委支持，令佢「有機會報效國家及為大家服務」，仲話要「感恩父母及各恩師的悉心栽培」，等佢可以用知識同正能量裝備自己邁向理想。佢話作為全國人大代表任重道遠，會認真聆聽各方意見，話要借助人大平台向中央政府反映港人對唔同議題嘅看法同意願，擔當港人與祖國嘅良好溝通橋樑。
更多港聞
相關新聞
