唔留港過年原因 3個最唔想被問
[2019.02.11] 發表
【明報專訊】英航上月委託獨立市場研究公司調查，訪問咗1002名年齡介乎18至39歲嘅港人。問到佢哋點解唔想留港過節，受訪者可以選擇多於一個選項，45%受訪者話唔想被追問點解唔搵更好工作、43%話唔想被問點解仲未結婚、40%話唔想被親友問點解仲未生仔；38%就話為咗避免向親友派利巿。
21%年輕人希望新春獨遊
調查亦顯示，接近21%年輕港人希望新春期間獨遊海外。受訪者獨自旅遊主要原因依次為「隨時前往自己想到的地方」(45%)、「享受屬於自己的時間」(44%)、「可以真正做回自己而毋須被人批評」(41%)等。
被問到獨自外遊會選擇邊啲地區，受訪者最喜愛三大亞洲國家依次為日本、新加坡及韓國；如果想走出亞洲嘅獨遊客，首三位分別係英國、美國同德國。
更多港聞
相關新聞
