泛民大灣年宵貨賣光

【明報專訊】唔少政黨、組織趁年宵擺檔賣嘢兼籌款，不過今年各政團成績相較去年都有所下跌。已轉型為民間團體嘅香港眾志，今年年宵營業額逾48萬元，扣除成本後約有33萬元收益，繼續成為籌款之冠；但相較去年總收益逾78萬、淨收入66萬元都下跌唔少。守護公義基金年宵期間，連日邀得天主教香港教區榮休主教陳日君樞機、因「佔中九子案」被控的「佔中三子」戴耀廷、陳健民和朱耀明等人輪流坐鎮，都籌得約28萬元。

眾志蟬聯吸金王 淨收入跌

其他政黨方面，社民連籌得約24萬元，公民黨都有約17.4萬元，民主黨就籌得接近10萬元。民主黨創意媒體部主席黎敬瑋就同Emily話，佢哋主打嘅「大灣區狼人」卡牌遊戲已經賣晒，但今年整體年宵人流較疏落，對生意額都有影響。公民黨內務副主席賴仁彪都話，佢哋推出300隻「大灣豬頸枕」都清晒，不過年宵唔係以籌款為目的，同市民一齊迎接新一年，已經心滿意足。

更多港聞

范國威麥美娟赤口同街坊拜年

【明報專訊】噚日係大年初三，雖然「赤口」不宜拜年，但唔少立法會議員都落區同街坊拜吓年、派吓利市。新民主同盟范國威（Gary）噚日扮成財神、拎... 詳情

葉太又去屯門 研增咪表車位

【明報專訊】新民黨主席葉劉淑儀有意喺出年立法會選舉轉戰「超級區議會」，咁就要先喺今年底搵個區議會選區落腳參選。本身係港島區立法會議員嘅佢，呢... 詳情