楊潤雄拍片 祝學生有智慧假期
[2018.12.17] 發表
【明報專訊】聖誕節就到，好多小朋友都好期待。教育局今年再宣傳，話長假期希望同學仔可以喺假期同學習之間攞一個平衡，要學得「精」，又可以同時玩得開心。教育局長楊潤雄噚日喺facebook上載咗條短片，話希望同學仔喺假期可以抽時間輕鬆一下，例如睇吓書、捉吓棋同踢吓波咁，希望同學仔有個愉快嘅聖誕，並hashtag「智慧假期」。
跟住，教育局隻聖誕「熊寶寶」又出現。動畫入面隻熊寶寶唔見咗隻聖誕鹿同架車，跟住佢靈機一觸，入咗STEM(科學、科技、工程及數學)教育中心，自己砌咗部聖誕鹿飛行機，將啲禮物送到小朋友手上。
楊潤雄話熊寶寶用自己智慧解決咗件事，話鋒一轉，話之前同校長仲有老師分享「智慧假期」嘅共同信念，祝同學仔呢個長假有更多「自主空間」，過得充實又開心。
更多港聞
【明報專訊】華為首席財務官孟晚舟早前被加拿大當局應美國政府要求拘捕，香港唔少建制派隨即爭相聲援，工聯會更去美國駐港總領事館抗議，並拳打腳踢戴...
詳情
逾8%中學生 交友App收過裸照 社工：網上交友戒心低 有12歲童傳性感照
【明報專訊】中學生喜歡以手機與朋輩溝通，亦常以交友程式結識新朋友。有團體調查1900名中學生，有47%人試過網上交友。即使只在網上交流也有風... 詳情
相關新聞
