卿姐獲LSE榮譽博士 亞洲女性首人
[2018.11.30] 發表
【明報專訊】從政逾四分之一世紀嘅民主黨前主席劉慧卿，噚日透露前晚收到英國倫敦政治經濟學院(LSE)校長Minouche Shafik來信，話LSE將向佢頒授社會科學榮譽博士學位。學位係頒予具卓越成就同改善社會嘅人物，卿姐話對獲頒學位感到好開心，更透露從朋友口中獲悉，自己係香港首名獲頒有關學位嘅人。Emily翻查資料，卿姐唔單止係香港第一，更係亞洲首名女性獲頒呢個學位，認真威水。
頒予成就卓越改善社會者
卿姐本身有LSE碩士學位，佢噚日同Emily講，話前晚收到封信時好驚訝，因為月初同校長喺香港一場舊生活動碰頭，對方都無提到會頒授學位畀佢。
卿姐話封信只提及LSE會喺咩情况下頒授學位，無特別提到佢個人成就，但佢相信LSE今次係肯定佢過往推動民主自由，以及維護人權法治嘅工作。
同國際政壇有唔少聯繫嘅卿姐又話，自己1988年已開始去聯合國聽委員會聆訊，做咗記者同議員分別十幾年同廿幾年，即使退下議會火線仍繼續推動民主自由，相信LSE都認同佢嘅工作。
頒授學位典禮明年7月下旬舉行，卿姐話到時會抽空出席，佢亦懷緬往事，話對上一次返母校，已經係10年前返去向學生演講喇。
更多港聞
【明報專訊】醫管局總辦事處人力資源主管彭飛舟上任近兩個月，噚日同傳媒茶敘分享心得。佢發覺「嬰兒潮 」一代嘅醫生較多以工作為重心，現今年輕醫生...
詳情
上傳愛犬合照反擊批評 凱欣被質疑違規帶狗入機場
【明報專訊】動保組織「愛動物零虐畜」周日喺facebook專頁話，獲建制派力撐嘅陳凱欣喺九龍西立法會補選競選期間，曾有餵養流浪動物義工問佢對... 詳情
【明報專訊】公民黨驛馬星動，繼主席梁家傑、立法會議員譚文豪先後訪問歐洲議會及英國，法律界議員郭榮鏗（Dennis）下月7至17日會到美國，會...
詳情
【明報專訊】曾被《文匯報》形容為「右翼反華分子」、「鼓吹台獨」嘅日本千葉縣白井市市議員和田健一郎，8月被拒入境本港，佢當時喺社交網站話入境事...
詳情
相關新聞
