街坊認錯曾偉雄做馮檢基 黃之鋒：髮型有啲似

警務處前處長曾偉雄（中）噚日喺黃埔為建制派代表陳凱欣拉票，同場嘅香港眾志黃之鋒（右）就為工黨李卓人拉票，之鋒話有街坊認唔出曾偉雄，問之鋒「嗰個係咪馮檢基」，佢相信原因可能係兩人「髮型有啲似」。（黃之鋒facebook圖片）

【明報專訊】立法會九龍西補選後日(25日)舉行，香港眾志黃之鋒噚日喺黃埔為工黨李卓人拉票，恰巧「撞正」警務處前處長曾偉雄為建制派代表陳凱欣拉票。曾偉雄及另一候選人馮檢基嘅髮型，同樣係頭頂光滑、兩側留髮，黃之鋒喺facebook發帖，話拉票時有街坊認唔出曾偉雄，問之鋒「嗰個係咪馮檢基」，之鋒都話原因可能係兩人「髮型有啲似」。

從之鋒上載嘅照片可見，曾偉雄企喺佢旁邊，一時拎住陳凱欣傳單，一時拎住代表陳凱欣候選號碼嘅「5」字牌。之鋒話，自己「當年被佢拉咗咁多次，終於見到佢真人」，形容曾偉雄似乎唔係好慣拉票，「啲面部表情都有啲生硬」。

陳凱欣噚日除咗獲得曾偉雄撐場，亦獲得前局長陳家強及黎棟國落區拉票，陳凱欣形容好多好友知道佢選情嚴峻，都即刻挺身支持。李卓人方面，則獲泛民人士拉票，好似公民黨郭榮鏗噚晚去咗美孚，民主黨兩名前主席劉慧卿同何俊仁，噚日亦喺紅磡和土瓜灣為李卓人叫咪宣傳。

馮檢基噚日就召開記者會，反駁有傳媒日前做嘅選舉民調，批評報道抹黑佢，阿基指外界唔應該形容佢係「𠝹票」，強調自己「唔係𠝹票基，係吸票基」，話自己如果可以攞晒尚未決定投票取向選民嘅票，就會係最高票嗰個候選人；佢之後去廉政公署投訴有關報道。九龍西補選其他候選人包括伍廸希和曾麗文。

更多港聞

城大晚宴 校長高歌籌200萬

【明報專訊】籌款係大學好重要嘅一環，城市大學噚晚舉行一年一度嘅籌款晚宴，今年以「躍動全城」為主題，城大校董會主席黃嘉純（右一）同校長郭位（右... 詳情

田北俊談明日大嶼：以為愚蠢個愚

【明報專訊】自由黨榮譽主席田北俊出名敢言，佢噚日接受民主黨前主席劉慧卿主持嘅網台節目《議會內外》訪問時，就質疑特首林鄭月娥喺土地供應專責小組... 詳情

張國鈞帶幼園遊立會 「巧遇」囡囡

【明報專訊】唔少學校同機構都會組團參觀立法會，帶佢哋參觀並講解吓議會運作，立法會議員安排到時間亦會參與，做?導遊。民建聯立法會議員張國鈞（H... 詳情

柯仔潮州戲扮船夫 辦事處練習

【明報專訊】民建聯立法會議員柯創盛（柯仔）祖籍潮州，為咗身體力行推廣當地文化，佢聽日（周六）會喺一場地區潮劇表演中粉墨登場，首次客串飾演船夫... 詳情

嶺大畢業禮 學生呼九子無罪反填海 校方遺憾 稱嚴重干擾典禮

【明報專訊】繼中文大學畢業禮有學生舉標語表達不滿，嶺南大學昨日有10多名碩士畢業生，在學位頒授典禮喊口號和舉標語，向主禮的行政長官林鄭月娥表... 詳情