反駁指控 阿廷兆堅赴澳膳食自費
[2018.11.08] 發表
【明報專訊】民主黨早前發起「天下為公」眾籌調查UGL事件，該黨立法會議員林卓廷、尹兆堅上周四飛去澳洲，向執法機關報案同會見律師團隊，不過此行就被專欄作家屈穎妍質疑佢哋「帶着捐款去旅行」。阿尹同阿廷噚日話，澳洲行除咗交通同住宿由「天下為公」支付之外，膳食都係佢哋自費。阿尹仲同Emily強調，因為係市民?錢，所以盡力將使費壓到最低，選擇最平嘅交通，甚至試過由酒店步行半個鐘去律師樓。
阿廷就憶述，佢哋最貴一餐係請當地律師食飯答謝，都係自掏腰包，強調冇好似屈穎妍所講「食大餐、品紅酒」，最多只係自己畀錢買杯啤酒放鬆吓。阿廷仲講笑話，佢哋搭飛機坐經濟艙，同阿尹一齊坐逼到瞓唔到。佢批評屈穎妍?說法失實涉誹謗，但就話希望咁就告一段落，無意興訟。
更多港聞
小學生普通話拼音水平略降 認讀字詞多音字知識弱
【明報專訊】「普教中」引發社會討論中小學該如何提升學生普通話水平。有致力培養學生普通話興趣的機構，綜合自身舉辦的普通話測試數據，評估香港學生... 詳情
相關新聞
