無直接講侍產假「一日都唔應該有」 張宇人自詡幫到傳媒賣紙

自由黨張宇人（圖）噚日喺立法會會議上強調，自己從無直接講過侍產假「一日都唔應該有」，但形容自己講嘅說話同埋「廿蚊張」呢個稱號，似乎幫到傳媒「賣多幾張紙」。（鍾林枝攝）

【明報專訊】立法會噚日通過男士侍產假增至5日嘅條例草案，過往不時喺勞工政策發表惹火言論嘅自由黨主席張宇人，發言時講到自己為新聞自由都有貢獻。何解？張宇人話，自己從來無直接講過侍產假「一日都唔應該有」，指傳媒鍾意用觸動人神經嘅言語，自己講嘅說話同埋「廿蚊張」呢個「江湖稱號」，似乎幫到傳媒「賣多幾張紙」，形容自己對新聞自由都有啲貢獻。

無綫《新聞透視》8月初時探討侍產假並訪問張宇人，當時佢喺節目度批評勞工界：「你以為7日他們會收手嗎？7日便會有14日，14日便會有1個月、1年，然後便罵你哋僱主無良、不停地罵，他們永無止境的苛索，他們不會停在一個位」；又話當年「以前我哋無侍產假又點？以前我哋太太無產假又點？」

稱侍產假言論由主持講出

張宇人話，「侍產假一日都唔應該有」呢句說話係由節目主持講出嚟，透過剪接喺佢發言中間加插，其後被多次轉述。佢強調，節目同時引述佢認為侍產假「三日應該止步」呢句說話，但就被人忽略，證明無論係批評者定傳媒，都無詳細睇個節目，形容新聞報道都係「斷章取義，唔睇前言後語」。

張宇人繼續反駁批評者，話佢哋應該「攞塊鏡照?自己」，佢話身為僱主幾十年，未必係好僱主，因為佢無能力做到，所以接受批評；但形容有啲人「打僱主荷包」、「做闊佬」，往自己臉上「貼光」，佢奉勸呢啲人反思佢哋點對待員工。不過，張宇人話由於自己身兼行政會議成員，所以都會支持草案。

更多港聞

麥美娟帶王國興汗味公仔做見證

【明報專訊】工聯會王國興雖然已經唔係立法會議員，但佢嘅「餘溫」仍然喺議會流傳。Emily講緊嘅，係立法會噚日審議侍產假由3日增至5日嘅條例草... 詳情

民記「愛情短片」 爭取地面防跣

【明報專訊】建制派愈來愈重視網上宣傳，喺佢哋眼中民生無小事，區內嘅渠蓋、天橋太滑，容易令居民跣腳，佢哋都關注，民建聯噚日就用愛情故事去宣傳，... 詳情

早前右耳失聰 現偶爾耳鳴 54歲生日 莫乃光冀身體健康

【明報專訊】專業議政立法會議員莫乃光（Charles）54歲牛一，建制派或民主派議員見到佢都講聲生日快樂。Charles今年7月右耳突然失聰... 詳情

「雙智」挺凱欣 兩大佬撐阿人

【明報專訊】離九龍西補選投票日仲有一個月，各陣營落區之餘唔少得搵名人撐場。獲建制派支持嘅陳凱欣，噚日搵來海洋公園董事局前主席盛智文，一齊喺荔... 詳情

研資局頒人文社科學者獎 一帶一路研究獲最高資助

【明報專訊】近年政府大力推動「一帶一路」，香港城市大學公共政策學系教授李芝蘭有感不同人對一帶一路持不同意見，彼此溝通存在很深隔閡，期望透過研... 詳情