啟德跑道尾搞臨時市集 團體怕變翻版新田購物城

起動九龍東辦事處噚日講解啟德跑道營運臨時市集嘅詳情，撐．基層墟市聯盟代表張延（前左）會前請願，要求招標文件限制大財團壟斷市集，起動九龍東辦事處高級項目促進經理李佩玉（前右）負責接請願信。（陳嘉詠攝）

【明報專訊】政府為起動九龍東，搞咗唔少嘢，之前安排做美食車停泊點，但嗰度無乜人流搞到生意好差。嚟緊發展局起動九龍東辦事處想邀請非牟利機構提交建議書，喺啟德跑道末端搞臨時市集。有民間組織潑冷水，擔心最終淪為「翻版新田購物城」。

目標農曆新年前開始營運

個計劃有三大區域，包括運輸區、約100個攤檔嘅市集區，同埋舉辦唔同活動嘅消閒活動區。租約暫定18個月，視乎情况再逐季續租。被揀中嘅機構要喺周末同節日，合計營運市集最少100日，其中20%嘅攤檔數目要有青年人負責。政府亦會提供貨櫃組裝成嘅市集檔口、流動廁所等設施。

合資格嘅非牟利機構可以喺11月5日前提交建議書，起動九龍東辦事處會按市集管理、設計建議等評分。目標12月揀到合心水機構，下年農曆新年前開始營運市集。

政府噚日咁啱公布美食車成績，舊年2月推出計劃到今年8月中，起動九龍東一號場美食車只得40幾萬收入，係咁多個指定場地中生意最差。

撐．基層墟市聯盟代表張延就同Emily講，準備搞市集嘅啟德跑道亦偏遠、人流又少，基層市民好難擺檔同買嘢，最終只會發展成無人流、令小商戶受苦嘅「翻版新田購物城」！

更多港聞

360度投影 哈囉喂玩轉異次元空間

【明報專訊】一年一度萬聖節就快嚟喇！今年海洋公園「哈囉喂全日祭2018」除咗好似往年咁有多間鬼屋，今年仲同香港城市大學創意媒體學院合作，用3... 詳情

荒廢群組發訊 馬逢國投訴塌樹未清理

【明報專訊】超強颱風「山竹」襲港令唔少地方都受塌樹影響，立法會體育、演藝、文化及出版界議員馬逢國似乎唔多滿意清理塌樹進度，前晚公眾假期，佢突... 詳情

羅蘭將獲嶺大頒榮譽院士

【明報專訊】嶺南大學將頒授榮譽院士銜予四名人士，包括資深演員羅蘭（原名盧燕英，圖）。嶺大話，羅蘭姐係香港其中產量最多同最受尊敬?女演員之一，... 詳情

理大團隊設計獲國際獎 互動燈助放下手機敘天倫

【明報專訊】一家人活在同一屋簷下，目光卻各自留在發光的手機屏幕。理工大學有團隊設計名為「羊燈」（Lamb Lamp）的燈飾裝置，以一盞互動座... 詳情

THE世界大學排名 城大「國際視野」全球第一

【明報專訊】《泰晤士高等教育》（THE）公布2019年世界大學排名，英國牛津大學繼續蟬聯首位，次位是劍橋大學。榜內本港6所大學中，除科大排名... 詳情